Read dyu Koow daminɛ kitabu 23 Bible Online

Koow daminɛ kitabu 23 - dyu bible

Koow daminɛ kitabu 23

¹Sara ye saan kɛmɛ ni mugan ni wolonwula sɔrɔ

²ka sɔrɔ ka sa Kiriyataraba, min ye Eburɔn ye, Kanaan jamana na. Ibrayima tagar'a sanga kɛ ka kasi.

³O kɔ, Ibrayima wilila k'a muso suu to yen ka taga kuma itiw fɛ k'a fɔ ko:

⁴ «Ne ye lonan ye aw fɛ, n siginin be yan fɔlɔ. Aw ka sudonyɔrɔ di ne ma yan janko ne ka se ka n muso suu don.»

⁵Itiw y'a jaabi ko:

⁶«Matigi, mɛnni kɛ an fɛ. Ala y'i kɛ mɔgɔbaba ye an cɛma. Sudonyɔrɔ min ka ɲi n'an ka sudonyɔrɔw bɛɛ ye, i muso suu don yen. An si tena ban k'an ka sudonyɔrɔ d'i ma janko i ka se k'i muso suu don.»

⁷Ibrayima wilila k'a kunbiri gwan jamana mɔgɔ nunu ɲakɔrɔ, minw ye itiw ye,

⁸k'a fɔ u ye ko: «Ni aw be sɔn ne ka n muso suu don yan, aw ye mɛnni kɛ ne fɛ, ka Sowari dencɛ Efurɔn daali ne ye,

⁹kuluwo min be wele Makipela, a k'o feere ne ma, a ta lo, a b'a ka foro daan na. Ko a k'a feere ne ma a sɔngɔ tigitigi la, a ka kɛ ne ka sudonyɔrɔ ye aw cɛma.»

¹⁰O y'a sɔrɔ iticɛ Efurɔn siginin tun be a ka mɔgɔw cɛma. A ye Ibrayima jaabi itiw bɛɛ ɲana, minw tun nana ɲɔgɔnye la dugu donda la, a ko:

¹¹«Ayi, ne matigi, i ka mɛnni kɛ ne fɛ. Ne b'o foro d'i ma, ni kuluwo min b'a kɔnɔ. Ne be u d'i ma ne ka mɔgɔw ɲana. I k'i muso suu don yen.»

¹²Ibrayima y'a kunbiri gwan jamana mɔgɔ nunu ɲakɔrɔ tugu.

¹³A y'a fɔ Efurɔn ye u ɲana ko: «Ne b'i daali, i ka mɛnni kɛ ne fɛ. Ne bena foro nin sɔngɔ d'i ma. I ka sɔn a la janko ne ka se ka ne ka muso suu don yen.»

¹⁴Efurɔn y'a jaabi ko:

¹⁵«Ne matigi, mɛnni kɛ ne fɛ. Dugukolo min sɔngɔ ye warigwɛ kuru kɛmɛ naani, o be mun cɛn ne n'i cɛ? I k'i muso suu don yen.»

¹⁶Ibrayima sɔnna Efurɔn ka kuma ma. Efurɔn ye warida min fɔ, a y'o suma k'a d'a ma itiw ɲana. O tun ye warigwɛ kuru kɛmɛ naani ye ka kɛɲɛ ni jagokɛlaw ka jati cogo ye.

¹⁷A kɛra ten, Efurɔn ka foro min tun be Makipela, Manbure gɛrɛfɛ, ni kuluwo ani yiri minw bɛɛ b'a kɔnɔ, o bɛɛ

¹⁸kɛra Ibrayima ta ye itiw bɛɛ ɲana, minw tun nana ɲɔgɔnye la dugu donda la.

¹⁹O kɔ, Ibrayima y'a muso Sara suu don kuluwo nin kɔnɔ Makipela foro kɔnɔ, Manbure gɛrɛfɛ, o min ye Eburɔn ye, Kanaan jamana na.

²⁰A kɛra ten, Ibrayima ye foro nin, n'a kɔnɔ kuluwo san itiw fɛ k'a kɛ sudonyɔrɔ ye.