Read dyu Masaw ka loon o loon kibaru kitabu fɔlɔ 24 Bible Online

Masaw ka loon o loon kibaru kitabu fɔlɔ 24 - dyu bible

Masaw ka loon o loon kibaru kitabu fɔlɔ 24

¹Arɔn deenw ka jɛnkuluw filɛ nin ye. Arɔn deenw ye Nadabu ni Abiyu, ani Eleyazari ni Itamari ye.

² Nadabu ni Abiyu kɔnna ka sa u faa ɲa, u tun ma dencɛw sɔrɔ. O la, sarakalasebaara dira Eleyazari ni Itamari ma.

³Dawuda, ni Eleyazari kɔmɔgɔ Sadɔki, ani Itamari kɔmɔgɔ Ayimelɛki ye Arɔn kɔmɔgɔ nunu tilantilan ka kɛɲɛ n'u ka baara ye.

⁴Gwatigiw tun ka ca Eleyazari kɔmɔgɔw cɛma ka tɛmɛ Itamari kɔmɔgɔw kan. U ye tilanni nin kɛ, Eleyazari kɔmɔgɔw cɛma, gwatigi tan ni wɔɔrɔ tun be yen, Itamari kɔmɔgɔw taw kɛra seegi ye.

⁵U ye kala la k'u tilantilan bari dɔw tun ka kan ka baara kɛ Masaba ka Yɔrɔ Senuman na, dɔw fana k'a kɛ yɔrɔ dɔ nin na, olu tun bɔra Eleyazari kɔmɔgɔw ni Itamari taw la.

⁶Netanɛli deen Semaya min tun ye sɛbɛnnikɛla ye, Levi kɔmɔgɔw cɛma, ale y'u sɛbɛn masacɛ ɲana, ani ɲamɔgɔw, ni sarakalasebaga Sadɔki, ani Abiyatari dencɛ Ayimelɛki, ni sarakalasebagaw ni Levi kɔmɔgɔ tɔw ka gwatigiw ɲana. U tilantilanwaati la, u tun be kala la siɲɛ fila ka wolomani kɛ Eleyazari kɔmɔgɔw cɛma, ka sɔrɔ k'a bon siɲɛ kelen ka tali kɛ Itamari taw cɛma.

⁷U kɔnna ka kalabon min kɛ, o benna Yoyaribu kan, filanan benna Yedaya kan.

⁸Sabanan benna Arimu kan, naaninan benna Seworimu kan.

⁹A duurunan benna Malikiya kan, wɔɔrɔnan benna Miyamin kan.

¹⁰Wolonwulanan benna Akɔsi kan, seeginan benna Abiya kan.

¹¹Kɔnɔntɔnnan benna Yesuwa kan, tannan benna Sekaniyawu kan.

¹²Tan ni kelennan benna Eliyasibu kan, tan ni filanan benna Yakimu kan.

¹³Tan ni sabanan benna Upa kan, tan ni naaninan benna Yɛsɛbeyabu kan.

¹⁴Tan ni duurunan benna Biliga kan, tan ni wɔɔrɔnan benna Imɛri kan.

¹⁵Tan ni wolonwulanan benna Eziri kan, tan ni seeginan benna Apisesi kan.

¹⁶Tan ni kɔnɔntɔnnan benna Petaya kan, mugannan benna Yeezikɛli kan.

¹⁷Mugan ni kelennan benna Yakin kan, mugan ni filanan benna Gamuli kan.

¹⁸Mugan ni sabanan benna Delayawu kan, mugan ni naaninan benna Maaziyawu kan.

¹⁹Nin le kɛra u tilancogo ye, ka don u ka baara la Masaba ka soo kɔnɔ, ka kɛɲɛ n'u bɛmacɛ Arɔn fɔcogo ye Masaba, Isirayɛli ka Ala tun ye min latigɛ.

²⁰Levi kɔmɔgɔ minw tɔɔ tora, Subayɛli yirala Amuran kɔmɔgɔw cɛma. Subayɛli kɔmɔgɔw la, o kɛra Yɛdeyawu ye.

²¹Ereyabiyawu taw cɛma, o kɛra Yisiya ye, ale kɛra u kɔrɔ ye.

²²Yiseyari kɔmɔgɔw fɛ, o kɛra Selomɔti ye. Selomɔti taw cɛma, o kɛra Yaati ye.

²³Eburɔn deenw ye: Yeriyawu kɛra deen fɔlɔ ye, Amariyawu ye filanan ye, Yaaziyɛli ye sabanan ye, Yekameyamu ye naaninan ye.

²⁴Mika tun ye Uziyɛli deen ye. Mika kɔmɔgɔw cɛma, o ye Samiri ye.

²⁵Mika balimacɛ Yisiya kɔmɔgɔw cɛma, o ye Zakariyawu ye.

²⁶Merari deenw ye Mali ni Musi ye, ani a dencɛ Yaaziyawu deenw.

²⁷Merari dencɛ Yaaziyawu deenw ye Sowamu ni Zakuri ani Iburi ye.

²⁸Mali deen ye Eleyazari ye, ale ma deen sɔrɔ.

²⁹A deen wɛrɛ ye Kisi ye, Kisi deen ye Yerameyɛli ye.

³⁰Musi ta ye Mali ni Edɛri ani Yerimɔti ye. O le tun ye Levi kɔmɔgɔw ye ka kɛɲɛ n'u ka gwasow ye.

³¹Olu fana ye kala la i n'a fɔ Arɔn kɔmɔgɔw, u balimaw. U tun y'o kɛ masacɛ Dawuda ɲana, ani Sadɔki ni Ayimelɛki, ani sarakalasebagaw ni Levi kɔmɔgɔ tɔw ka gwatigiw ɲana. K'a ta kɔrɔ ka gwaso ma, fɔɔ ka ta'a bila dɔgɔ ta ma, bɛɛ ta kɛra cogo kelen na.