Read dyu Masaw ka loon o loon kibaru kitabu fɔlɔ 6 Bible Online

Masaw ka loon o loon kibaru kitabu fɔlɔ 6 - dyu bible

Masaw ka loon o loon kibaru kitabu fɔlɔ 6

¹ Levi deenw ye: Gɛrisɔn ni Keyati, ani Merari ye.

²Gɛrisɔn deenw tɔgɔ filɛ: Libini ni Simeyi.

³Keyati deenw fana filɛ: Amuramu ni Yiseyari, ani Eburɔn ni Uziyɛli.

⁴Merari deenw ye Mali ni Musi ye. Levi kɔmɔgɔw ka fadenyabolow le ye o ye ka kɛɲɛ n'u faaw ye.

⁵Gɛrisɔn deen ye Libini ye, ale ta ye Yaati ye, ale ta ye Zima ye,

⁶ale ta ye Yowa ye, ale ta ye Ido ye, ale ta ye Zera ye, ale ta fana ye Yotirayi ye.

⁷Keyati deen ye Aminadabu ye, ale ta ye Kore ye, ale ta ye Asiri ye,

⁸ale ta ye Ɛlikana ye, ale ta ye Ebiyazafu ye, ale ta ye Asiri ye,

⁹Ale ta ye Tagati ye, ale ta ye Uriyɛli ye, ale ta ye Uziya ye, ale ta ye Sayuli ye.

¹⁰Ɛlikana ye deen fila wɛrɛ sɔrɔ: Amazayi ni Ayimɔti.

¹¹Ayimɔti deen ye Ɛlikana ye, ale ta ye Sofayi ye, ale ta ye Naati ye.

¹²Ale ta ye Eliyabu ye, ale ta ye Yerowamu ye, ale ta ye Ɛlikana ye, ale fana ta ye Samuyɛli ye.

¹³Samuyɛli deen fɔlɔ ye Yowɛli ye, Abiya tugura.

¹⁴Merari deen ye Mali ye, ale ta ye Libini ye, ale ta ye Simeyi ye, ale ta ye Uza ye.

¹⁵Ale ta ye Simeya ye, ale ta ye Agiya ye, ale fana ta ye Azaya ye.

¹⁶Layidu taamasiɲɛ kɛsu ye bilayɔrɔ sɔrɔ tuma min na Masaba ka soo kɔnɔ, masacɛ Dawuda tun ye mɔgɔ minw sigi dɔnkililako kunna Masaba ka soo kɔnɔ, olu le ye nunu ye.

¹⁷U tora ka dɔnkili la Ɲɔgɔnkunbɛn fanibugu ɲafɛ, fɔɔ ka taga se masacɛ Solomani ye Masaba ka soo lɔ tuma min na Zeruzalɛmu. U tora u ka baara la ka kɛɲɛ n'u ka sariya siginin ye.

¹⁸Minw tun b'o baara nin kɛra, n'u deenw ye, olu filɛ: Keyati kɔmɔgɔw cɛma, o ye dɔnkililabaga Eman ye, a facɛ tun ye Yowɛli ye, ale facɛ fana tun ye Samuyɛli ye.

¹⁹Ɛlikana tun ye Samuyɛli facɛ ye, Yerowamu tun ye Ɛlikana facɛ ye, Eliyɛli tun ye Yerowamu facɛ ye, Towa tun ye Eliyɛli facɛ ye.

²⁰Sufu tun ye Towa facɛ ye, Ɛlikana tun ye Sufu facɛ ye, Maati tun ye Ɛlikana facɛ ye, Amazayi tun ye Maati facɛ ye.

²¹Ɛlikana tun ye Amazayi facɛ ye, Yowɛli tun ye Ɛlikana facɛ ye, Azariya tun ye Yowɛli facɛ ye, Sofoni fana tun ye Azariya facɛ ye.

²²Ale Sofoni facɛ tun ye Tagati ye. Tagati facɛ tun ye Asiri ye. Asiri facɛ tun ye Ebiyazafu ye, Ebiyazafu facɛ tun ye Kore ye.

²³Kore facɛ tun ye Yiseyari ye. Yiseyari facɛ tun ye Keyati ye. Keyati facɛ tun ye Levi ye. Levi facɛ tun ye Isirayɛli ye.

²⁴O kɔ, Eman ka baarakɛɲɔgɔn Azafu min tun be lɔ a kinibolo fɛ, ale tun ye Berekiyawu deen ye. Berekiyawu fana tun ye Simeya deen ye.

²⁵Simeya tun ye Mikayɛli deen ye. Mikayɛli tun ye Baazeya deen ye. Baazeya tun ye Malikiya deen ye.

²⁶Malikiya ye Ɛtini deen ye. Ɛtini tun ye Zera deen ye. Zera tun ye Adaya deen ye.

²⁷Adaya tun ye Etan deen ye. Etan tun ye Zima deen ye. Zima tun ye Simeyi deen ye.

²⁸Simeyi tun ye Yaati deen ye. Yaati tun ye Gɛrisɔn deen ye. Gɛrisɔn tun ye Levi deen ye.

²⁹Dɔnkililabaga minw tun ye Merari ka fadenyabolo mɔgɔw ye, Etan tun ye olu ɲamɔgɔ ye. U tun be numanbolo fɛ. Etan facɛ tun ye Kisi ye, Kisi facɛ fana tun ye Abidi ye, Abidi facɛ tun ye Maluki ye.

³⁰Maluki facɛ tun ye Asabiya ye. Asabiya facɛ tun ye Amasiya ye. Amasiya facɛ tun ye Ilikiya ye.

³¹Ilikiya facɛ tun ye Amusi ye. Amusi facɛ tun ye Bani ye. Bani facɛ tun ye Sɛmɛri ye,

³²Sɛmɛri facɛ tun ye Mali ye. Mali facɛ tun ye Musi ye. Musi facɛ tun ye Merari ye. Merari facɛ tun ye Levi ye.

³³Ala ka fanibugu kɔnɔ baara tɔw bɛɛ dira u balima Levi kɔmɔgɔ tɔw ma.

³⁴Arɔn n'a kɔmɔgɔw tun be to ka sarakaw bɔ saraka jɛnita bɔyɔrɔ la, ni wusulan jɛniyɔrɔ la. Baara minw bɛɛ tun ye kɛta ye Ala sigiyɔrɔ la, u tun b'o kɛ, ani ka Isirayɛlidenw ka hakɛ yafa saraka bɔ ka kɛɲɛ ni Ala ka baarakɛla Musa ka fɔta bɛɛ ye.

³⁵Arɔn deen ye Eleyazari ye, ale ta ye Pinasi ye, ale ta ye Abisuwa ye,

³⁶ale ta ye Buki ye, ale ta ye Uzi ye, ale ta ye Zeraya ye,

³⁷ale ta ye Merayɔti ye, ale ta ye Amariya ye, ale ta ye Ayitubi ye,

³⁸ale ta ye Sadɔki ye, ale ta fana ye Ayimasi ye.

³⁹Arɔn kɔmɔgɔ minw ye Keyati ka fadenyabolo mɔgɔw ye, olu ka duguw n'u ka sigiyɔrɔ daan le ye nunu ye, bari u tun ye kala la, olu le tun kɔnna ka sɔrɔ.

⁴⁰Zuda mara la, u ye Eburɔn dugu n'a lamini di u ma.

⁴¹Nga duguba nin kongow n'a dafɛdugudenninw dira Yefunɛ dencɛ Kalɛbu ma.

⁴²U ye yɛrɛkalifadugu minw di Arɔn kɔmɔgɔw ma, o tun ye Eburɔn ye, ani Libina n'u kongo, Yatiri ni Ɛsitemowa n'u ta,

⁴³ani Ilɛzi n'a ta, ni Debiri n'a ta,

⁴⁴ani Asan n'a ta, ni Bɛtisɛmɛsi n'a ta.

⁴⁵Bɛnzamɛn kɔmɔgɔw ka mara kɔnɔ, Geba n'a kongo, ni Alɛmɛti n'a ta, ani Anatɔti n'a ta dira u ma. U ka fadenyabolo ka dugu nunu bɛɛ lajɛnnin tun ye dugu tan ni saba ye. [1]

⁴⁶U ye kala la, Keyati kɔmɔgɔ tɔw ye dugu tan sɔrɔ, Efarayimu kɔmɔgɔw ka mara la, ni Dan kɔmɔgɔw ta la, ani Manase kɔmɔgɔw tilancɛ ta la fana, min be Zurudɛn baji tileben fɛ.

⁴⁷Gɛrisɔmu kɔmɔgɔw ka fadenyabolow ye dugu tan ni saba sɔrɔ Isakari kɔmɔgɔw ka mara la, ni Asɛri kɔmɔgɔw ta la, ni Nɛfutali kɔmɔgɔw ta la, ani Manase kɔmɔgɔw ta la, * Basan mara la.

⁴⁸U ye kala la, Merari kɔmɔgɔw ka fadenyabolow ye dugu tan ni fila sɔrɔ Urubɛn ni Gadi ani Zabulɔn kɔmɔgɔw ka maraw la.

⁴⁹Isirayɛlidenw tun ye dugu nunu n'u kongow di Levi kɔmɔgɔw ma.

⁵⁰K'a ta Zuda kɔmɔgɔw ka mara la, ani Simeyɔn kɔmɔgɔw ni Bɛnzamɛn kɔmɔgɔw ta la. U ye kala la ka sɔrɔ k'o dugu nunu di u ma.

⁵¹Keyati kɔmɔgɔw ka fadenyabolo tɔw y'u ka duguw sɔrɔ Efarayimu kɔmɔgɔw ka mara la.

⁵²U ye yɛrɛkalifadugu minw di u ma, o ye Sisɛmu dugu n'a kongo ye, Efarayimu mara kuluyɔrɔ la, ani Gezɛri n'a kongo,

⁵³Yɔkimeyamu n'a ta, ani Bɛtorɔn n'a ta,

⁵⁴ni Ayalɔn n'a ta, ani Gatirimɔn n'a ta.

⁵⁵U ye dugu minw sɔrɔ fana Manase kɔmɔgɔw tilancɛ ka mara la, Zurudɛn baji tileben fɛ, olu ye Anɛri n'a kongo ye, ni Bileyamu n'a kongo. O bɛɛ tun kɛra Keyati kɔmɔgɔw tɔw ka fadenyabolo ta ye.

⁵⁶Gɛrisɔn kɔmɔgɔw ka fadenyabolow y'u taw sɔrɔ Manase kɔmɔgɔw tilancɛ ka mara la min be Zurudɛn baji kɔrɔn fɛ. Golan dir'u ma, Basan mara la, n'a kongo, ani Asitarɔti n'a ta.

⁵⁷U ye dɔ sɔrɔ Isakari kɔmɔgɔw ka mara la fana. O kɛra Kedɛsi n'a kongo ye, ani Doberati n'a ta,

⁵⁸ani Aramɔti n'a ta, ni Anɛmu n'a ta.

⁵⁹U ye minw sɔrɔ Asɛri kɔmɔgɔw ka mara la, o ye Masali n'a kongo ye, ni Abidɔn n'a ta,

⁶⁰Ukɔki n'a ta, ni Erewɔbu n'a ta.

⁶¹U ye minw sɔrɔ Nɛfutali kɔmɔgɔw ka mara la, o ye Kedɛsi ye, Galile mara la, n'a kongo, ani Amɔn n'a ta, ni Kiriyatayimu n'a ta.

⁶²Levi kɔmɔgɔ tɔ nunu, minw ye Merari kɔmɔgɔw ye, olu ye dɔw sɔrɔ Zabulɔn kɔmɔgɔw ka mara la. O tun ye Irimono n'a kongo ye, ani Tabɔri n'a kongo.

⁶³Ka taga Zurudɛn baji kɔrɔn fɛ, Zeriko gɛrɛfɛ, Urubɛn kɔmɔgɔw ka mara la, u ye Bɛsɛri n'a lamini sɔrɔ, kongokolon kɔnɔ, ani Yaasi n'a kongo,

⁶⁴ani Kedemɔti n'a ta, ni Mefaati n'a ta.

⁶⁵U ye minw sɔrɔ Gadi kɔmɔgɔw ka mara la, o ye Aramɔti ye, Galaadi mara la, n'a kongo, ani Maanayimu n'a ta,

⁶⁶ani Ɛsibɔn n'a ta, ani Yazɛri n'a ta.