Read dyu Masaw ka loon o loon kibaru kitabu fɔlɔ 9 Bible Online

Masaw ka loon o loon kibaru kitabu fɔlɔ 9 - dyu bible

Masaw ka loon o loon kibaru kitabu fɔlɔ 9

¹Isirayɛlidenw bɛɛ tɔgɔ tun sɛbɛnna Isirayɛli mara masacɛw ka kitabu kɔnɔ. Zuda mara mɔgɔw minɛna ka taga Babilɔni jɔnya la, u ka tilenbaliya kosɔn.

² Mɔgɔ minw kɔnna ka kɔsegi ka na sigi u ka duguw kɔnɔ, ani k'u ka yɔrɔ tigiya kɛ, olu ye Isirayɛliden mɔgɔ gwansanw ye fɔlɔ. O kɔ, sarakalasebagaw tugura, o kɔ, Levi kɔmɔgɔ tɔw, ani Alabatoso kɔnɔ baarakɛlaw.

³Zuda kɔmɔgɔ dɔw ni Bɛnzamɛn ta, ni Efarayimu ta, ani Manase ta dɔw tun siginin be Zeruzalɛmu.

⁴Zuda deen Pɛrɛti kɔmɔgɔw cɛma, Bani deen Imuri deen Omuri deen Amiwudi dencɛ Utayi tun be yen.

⁵Sela ka fadenyabolo la, Azaya tun ye deen fɔlɔ ye, ale deenw tun be yen.

⁶Zera ka fadenyabolo la, a deen Yewuyɛli tun be yen. Zuda kɔmɔgɔw tun ye mɔgɔ kɛmɛ wɔɔrɔ ni bi kɔnɔntɔn ye.

⁷Bɛnzamɛn kɔmɔgɔw cɛma, olu tun ye Asenuwa deen Odawiya deen Mesulamu dencɛ Salu ye,

⁸ni Yerowamu dencɛ Yibineya, ni Mikiri deen Uzi dencɛ Ela, ani Yibiniya deen Erewuyɛli deen Sefatiya dencɛ Mesulamu.

⁹Ka kɛɲɛ n'u buruju ye, Bɛnzamɛn kɔmɔgɔw tun ye mɔgɔ kɛmɛ kɔnɔntɔn ni bi duuru ni wɔɔrɔ ye. O mɔgɔ nunu bɛɛ tun ye gwatigiw ye.

¹⁰Sarakalasebagaw cɛma, minw tun be yen, olu ye: Yedaya ni Yoyaribu, ni Yakin,

¹¹ani Ala ka soo kuntigi Ayitubi deen Merayɔti deen Sadɔki deen Mesulamu deen Ilikiya dencɛ Azariya,

¹²ani Malikiya deen Pasewuri deen Yerowamu dencɛ Adaya, ni Imɛri deen Mesilemiti deen Mesulamu deen Yazera deen Adiyɛli dencɛ Masayi.

¹³Gwatigiw ni sarakalasebaga tɔw tun ye mɔgɔ waa kelen ni kɛmɛ wolonwula ni bi wɔɔrɔ (1 760) ye. Cɛfariw tun lo minw be Ala ka soo kɔnɔ baara kɛ.

¹⁴Levi kɔmɔgɔw cɛma, Merari ka fadenyabolo la, Asabiya deen Azirikamu deen Asuba dencɛ Semaya tun be yen.

¹⁵Bakibakari ni Ɛrɛsi, ni Galali, ani Azafu deen Zikiri deen Mika dencɛ Mataniya fana tun be yen.

¹⁶Yedutun deen Galali deen Semaya dencɛ Obadiya fana tun be yen, ani Ɛlikana deen Aza dencɛ Berekiya, ale tun siginin be Netofa mara la.

¹⁷Minw tun be yen daa kɔlɔsibagaw cɛma, o ye Salumu ye, ni Akubu ni Talimɔn, ani Ayiman n'u balimaw. Salumu le tun ye u kuntigi ye.

¹⁸Hali ka na se bii ma, olu le be lɔ masacɛ ka donda la Alabatoso kɔnɔ, kɔrɔn ɲafan fɛ. Olu fana le tun be Levi kɔmɔgɔw sigiyɔrɔ kɔlɔsi.

¹⁹Kore deen Ebiyazafu deen Kore dencɛ Salumu n'a balima tigitigiw, minw ye Kore kɔmɔgɔw ye, u ka baara tun ye Ɲɔgɔnkunbɛn fanibugu daa kɔlɔsili ye. O baara le tun dira u faaw ma k'u ka to ka Masaba ka sigiyɔrɔ kɔlɔsi.

²⁰Eleyazari dencɛ Pinasi le tun y'u kuntigi ye fɔlɔfɔlɔ. Masaba tun be n'a ye.

²¹Mesɛlɛmiya dencɛ Zakari tun ye Ɲɔgɔnkunbɛn fanibugu daa kɔlɔsibaga ye.

²²Mɔgɔ minw bɛɛ tun wolomana ka kɛ daaw kɔlɔsibagaw ye, olu tun ye mɔgɔ kɛmɛ fila ni tan ni fila ye. U tun y'u tɔgɔ sɛbɛn u ka duguw la. Masacɛ Dawuda ni kira Samuyɛli le tun y'u sigi u ka baara nin na, u ka to yen kudayi.

²³U tun ye olu n'u kɔmɔgɔw bila ka Masaba ka soo daa kɔlɔsi.

²⁴Daa kɔlɔsibaga nunu tun siginin be faan naani nunu bɛɛ la: kɔrɔn fɛ, ni tileben fɛ, ni kɔgɔdugu ɲafan fɛ, ani worodugu ɲafan na.

²⁵U balima minw tun tora u ka duguw kɔnɔ, olu tun ka kan ka to ka na waati dɔw la, ka na u dɛmɛ tile wolonwula kɔnɔ.

²⁶Nga kɔlɔsilikɛbagaw kuntigi naani tun be to yen tuma bɛɛ. Levi kɔmɔgɔw tun lo. U tun be Ala ka soo kɔnɔ bondenninw ani nafolo marayɔrɔw kunna.

²⁷U tun be to ka si Ala ka soo kɔrɔ, bari u ka baara tun ye a kɔlɔsili ye, ani k'a dayɛlɛ sɔgɔma o sɔgɔma.

²⁸U dɔw ka baara tun ye Ala ka soo kɔnɔ baarakɛminanw kɔlɔsili ye. N'u be don k'u bila, u b'u jati, ni u b'u ta ka bɔ, u b'u jati tugu.

²⁹U dɔw fana tun sigira ka to ka janto baarakɛminan tɔw la, ani minan minw be Yɔrɔ Senuman la. U fana tun be janto muguko la, ni duvɛn, ni tulu, ni wusulan ani tulu kasadimanw.

³⁰Nga sarakalasebagaw le tun be to ka tulu kasadiman nunu labɛn.

³¹Salumu ka bɔ Kore ka fadenyabolo la, ale deen fɔlɔ Matitiya le tun wolomana Levi kɔmɔgɔw cɛma, ka bila burujɛni kama.

³²Lafiɲɛlon o lafiɲɛlon, buru minw be to ka bila Ala ye, Keyati ka fadenyabolo mɔgɔ dɔw ka baara le tun y'o labɛnko ye.

³³Dɔnkililabaga minw tun ye Levi kɔmɔgɔw ka gwatigiw ye, olu tun be to ka la Ala ka soo bondenninw kɔnɔ, u tun te baara wɛrɛ kɛ, bari u tun be u ka baara la suu ni tile.

³⁴Levi kɔmɔgɔw ka gwatigiw le ye nunu ye ka kɛɲɛ n'u burujuw ye. U tun siginin be Zeruzalɛmu.

³⁵Gabaŋɔn facɛ Yeyɛli tun siginin be Gabaŋɔn dugu kɔnɔ, a ka muso tɔgɔ tun ko Maaka.

³⁶A deen fɔlɔ tɔgɔ ko Abidɔn, dɔ nunu tɔgɔ ko Suri, ni Kisi, ni Baali, ani Nɛri, ni Nadabu,

³⁷ni Gedɔri ni Ayo, ni Zakari ani Mikilɔti.

³⁸Mikilɔti ye Simeyamu wolo. Olu fana tun siginin be Zeruzalɛmu i n'a fɔ u balimaw, u siginin tun be ɲɔgɔn fɛ yen.

³⁹Nɛri le ye Kisi wolo, Kisi fana ye Sayuli wolo, Sayuli ye Zonatan wolo, ni Malikisuwa ni Abinadabu ani Ɛsibaali. [1]

⁴⁰Zonatan deen ye Meribaali [2] ye. Meribaali fana ye Mika wolo.

⁴¹Mika deenw ye Pitɔn, ni Mɛlɛki ani Tareya ye.

⁴²Azi ye Yayera wolo, Yayera fana ye Alɛmɛti wolo, ni Azimawɛti, ani Zimuri. Zimuri ye Mosa wolo.

⁴³Mosa ye Bineya wolo, Bineya ye Erefaya wolo, Erefaya fana ye Eleyaza wolo, ale ye Asɛli wolo.

⁴⁴Asɛli ye deen wɔɔrɔ le sɔrɔ. U tɔgɔ filɛ: Azirikamu ni Bokuru, ani Yisimayɛli ni Seyariya, ani Obadiya ni Anan. Olu le ye Asɛli deenw ye.