Read dyu Masaw ka loon o loon kibaru kitabu filanan 27 Bible Online

Masaw ka loon o loon kibaru kitabu filanan 27 - dyu bible

Masaw ka loon o loon kibaru kitabu filanan 27

¹Yanni Yotamu ka sigi masaya la, a sii tun ye saan mugan ni duuru ye. A ye saan tan ni wɔɔrɔ kɛ masaya la Zeruzalɛmu. A bamuso tɔgɔ tun ko Yerusa, Sadɔki denmuso tun lo.

²A ye koɲuman kɛ Masaba ɲakɔrɔ i n'a fɔ a facɛ Oziyasi tigitigi. A ma don Masaba batoso kɔnɔ, nga jama tora u ka mɔgɔkolonya la.

³Ale lo ye Masaba ka soo sanfɛla donda lɔ. A ye dugu laminikogo yɔrɔ caaman dilan Ofɛli tintin faan fɛ.

⁴A ye dugu dɔw sigi Zuda mara kuluyɔrɔw la, ka dugu barikamanw ni sangasow lɔ tuuw kɔnɔ.

⁵A ye kɛlɛ kɛ ni amoniw ka masacɛ ye ka se a kɔrɔ. O saan na, u ye warigwɛ tɔni saba, ni suman sifa dɔ tɔni waa saba (3 000), ani suman sifa dɔ wɛrɛ tɔni waa saba d'a ma. U y'o ɲɔgɔn le d'a ma saan filanan na fana, n'a saan sabanan na.

⁶Yotamu kɛra fangatigi ye, bari, a tun be tilen Masaba a ka Ala ɲakɔrɔ.

⁷Yotamu ka kɛwali tɔw, a ye kɛlɛ minw bɛɛ kɛ n'a ka kɛta tɔw, olu be sɔrɔ Isirayɛli ni Zuda mara masacɛw ka kitabu kɔnɔ.

⁸Yanni a ka sigi masaya la, a sii tun ye saan mugan ni duuru ye. A ye saan tan ni wɔɔrɔ kɛ masaya la Zeruzalɛmu.

⁹A sara, u y'a suu don Dawuda ka ciin na. O kɔ, a dencɛ Akazi sigir'a nɔɔ na masaya la.