Read dyu Isirayɛlidenw ka bɔko jɔnya la kitabu 22 Bible Online

Isirayɛlidenw ka bɔko jɔnya la kitabu 22 - dyu bible

Isirayɛlidenw ka bɔko jɔnya la kitabu 22

¹«Ni mɔgɔ dɔ minɛna soɲali kɛyɔrɔ la, n'a minɛbaga y'a bugɔ k'a faga, jalakiyɔrɔ t'a fagabaga la.

²Nga n'a kɛra tilefɛ, a fagabaga jalakinin lo. «Soon ye fɛɛn min soɲa, a k'o sara. Ni foyi t'a fɛ, a yɛrɛ bena feere k'o sara.

³N'a ye begɛn min soɲa, n'u y'o sɔrɔ a fɛ, n'a m'a faga fɔlɔ, a kɛra misi ye wo, walima fali, walima saga, a b'a ɲɔgɔn fila sara.

⁴«Ni mɔgɔ dɔ y'a to a ka begɛnw donna mɔgɔ wɛrɛ ka *ɛrɛzɛnforo kɔnɔ, walima a ka foro wɛrɛ kɔnɔ k'a cɛn, o tigi ben'a yɛrɛ ka foro kɔnɔ suman bɛɛ la ɲumanw di forotigi ma, walima a ka ɛrɛzɛn bɛɛ la ɲumanw.

⁵«Ni tasuma wilila mɔgɔ dɔ fɛ ka ŋɔni minɛ, ka taga mɔgɔ wɛrɛ ka suman wilitɔ jɛni, walima suman min tigɛra ka ton, mɔgɔ min ye tasuma nin don, o tigi bena cɛnni nin sara.

⁶«Ni mɔgɔ dɔ ye warigwɛ, walima fɛɛn wɛrɛ kalifa a tɔɲɔgɔn ma, ni soon y'o ta a fɛ soo kɔnɔ, ni soon sera ka minɛ, a bena o fɛɛn nin ɲɔgɔn fila sara.

⁷Ni soon nin ma sɔrɔ, sotigi bena na ne Ala ɲakɔrɔ k'a yira ko ale bolo ma se a tɔɲɔgɔn nin ka fɛɛn ma.

⁸«Ni namara donna misi dɔ koo la, walima fali, walima saga, walima fani, walima fɛɛn wɛrɛ koo la, min tun tununa, ni sɔsɔli be kɛra o koo la, nin ko a ta lo, nin ko a ta lo, sɔsɔlikɛbaga nunu bena na ne Ala ɲakɔrɔ. Ni ne y'a yira ko min ta tɛ, o tigi bena o fɛɛn nin ɲɔgɔn fila sara a tɔɲɔgɔn ye.

⁹«Ni mɔgɔ dɔ ye fali, walima misi, walima saga, walima begɛn wɛrɛ kalifa a tɔɲɔgɔn ma, ni begɛn nin sara, walima n'a mandimina, walima n'u y'a soɲa, k'a sɔrɔ mɔgɔ si m'a ye,

¹⁰o tuma na, begɛn tun maranin be mɔgɔ min fɛ, ale bena kali ne Masaba tɔgɔ la k'a fɔ ko ale m'a minɛ. Begɛntigi bena sɔn. A marabaga nin tena foyi sara.

¹¹Nga begɛn kalifara mɔgɔ min ma, n'o ma begɛn nin kɔlɔsi ka ɲa, n'u y'a soɲa a fɛ, a ka kan k'o sara.

¹²Ni wara le ye begɛn nin minɛ, a ka na ni dalilu ye k'o yira. A tena foyi sara.

¹³«Ni mɔgɔ dɔ ye begɛn di a tɔɲɔgɔn ma k'a ka to ka baara kɛ n'a ye fɔlɔ, ni begɛn nin mandimina, walima n'a sara a tigi kɔfɛ, a dira mɔgɔ min ma, ale ka kan k'a sara.

¹⁴N'a tigi be yen, a man kan k'a sara. N'u tun bɛnna sara la, o sara dama le be di begɛn tigi ma.

¹⁵ «Ni cɛɛ dɔ ye sunguru maminɛbali nigɛ min ma cɛɛ lɔn fɔlɔ, ka la n'a ye, a k'a furusara di k'a furu.

¹⁶Ni sunguru faa ma sɔn k'a d'a ma, cɛɛ nin ka kan ka sunguru nin furusara di.

¹⁷ «Aw kana subagamuso to nii na.

¹⁸ «Ni mɔgɔ dɔ ye begɛn ɲini i n'a fɔ muso, wajibi lo o tigi ka faga.

¹⁹ «Mɔgɔ o mɔgɔ ye saraka bɔ batofɛn wɛrɛ ye ni ne Masaba kelen tɛ, o tigi ka halaki.

²⁰ «Aw man kan ka lonan tɔɲɔ, aw kan'a tɔɔrɔ fana. Bari aw tun ye lonanw ye Ezipiti jamana na.

²¹«Aw kana firiyamuso, walima falatɔ tɔɲɔ.

²²N'aw y'u tɔɲɔ, n'u kasira ne nɔɔ fɛ, ne bena u kasikan mɛn.

²³N bena dimi aw kɔrɔ k'aw faga ni murujan ye aw musow be kɛ firiyamusow ye, aw deenw be kɛ falatɔw ye.

²⁴ «N'aw ye juru don ne ka mɔgɔ dɔ la aw cɛma, min dɛsɛnin be, aw kan'a kɛ i n'a fɔ minw be juru don tɔnɔ kama, aw kana tɔnɔ ɲini a fɛ.

²⁵ «N'aw y'aw tɔɲɔgɔn ka delekeba bɔsi aw ka juru kama, aw ka segi k'o d'a ma sanni tile ka ben.

²⁶Bari o dɔrɔn le y'a ka birifani ye, a be se ka min biri a yɛrɛ kan. N'a t'a bolo, a bena mun le biri a latuma na? N'a kasira ne nɔɔ fɛ, ne ben'a kasikan mɛn, bari ne ye makaritigi ye.

²⁷ «Aw kana ne Ala tɔgɔjugu fɔ. Aw kana aw ka siya ɲamɔgɔ danga.

²⁸«Aw kana munumunu ni ne niyɔrɔ ye, aw y'o min bɔ aw ka suman, n'aw ka *ɛrɛzɛnji, ani aw ka olivutulu la. Aw k'aw dencɛ fɔlɔw di ne ma.

²⁹Aw k'aw ka misiw n'aw ka sagaw ta di ne ma fana. U bena tile wolonwula kɛ u baa fɛ, a tile seeginan loon, aw k'o di ne ma.

³⁰ «Aw ka kɛ mɔgɔsaniyaninw ye ne fɛ. Wara ye sogo min minɛ kongo kɔnɔ, aw kana o ɲimi, aw k'o di wuluw ma.