Read dyu Isirayɛlidenw ka bɔko jɔnya la kitabu 26 Bible Online

Isirayɛlidenw ka bɔko jɔnya la kitabu 26 - dyu bible

Isirayɛlidenw ka bɔko jɔnya la kitabu 26

¹«I ka fanimugu deen tan dilan ni jese ɲanaman ye, ni jese kɔlɔbolaman, ni jese wulenman, ani jesewulen cɔncɔn ye, k'o kɛ n ka bugu ye. Baaralɔnbaga ɲanaman ka *serubɛn jaaw kɛ u kan.

²Fanimugu nunu kelen kelen bɛɛ jaɲa ka kɛ mɛtɛrɛ tan ni nanaani ye. U kɔnɔ boɲa ka kɛ mɛtɛrɛ fila fila ye. U bɛɛ ka kɛ kelen ye.

³Fanimugu duuru bena tugu ɲɔgɔn na, u tɔ duuru fana ka tugu ɲɔgɔn na.

⁴Fanimugu duuru minw tugura ɲɔgɔn na, i bena juru kɔlɔbolamanw kɛ olu dakun na, k'o ɲɔgɔn kɛ tɔ nunu dakun na fana.

⁵I ka minɛyɔrɔ bi duuru dilan ni juru ye fanimugu duurunan dakun na, ka bi duuru wɛrɛ dilan fanimugu duuru dɔ nunu dakun na. Juru nunu ka bɛn ɲɔgɔn ma.

⁶O kɔ, i ka fani minɛfɛn bi duuru dilan ni sanu ye ka fani nunu tugutugu ɲɔgɔn na n'u ye. O la, u bena kɛ bugu ye.

⁷«I ka baasi kɛ ka fanimugu deen tan ni kelen dilan, k'o kɛ bugu nin kuun birifɛn ye.

⁸O fanimugu nunu kelen kelen bɛɛ jaɲa ka kɛ mɛtɛrɛ tan ni duuru duuru ye. U kɔnɔ boɲa ka kɛ mɛtɛrɛ fila fila ye. U bɛɛ ka kɛ kelen ye.

⁹I ka duuru tugu ɲɔgɔn na, ka wɔɔrɔ fana tugu ɲɔgɔn na, ka wɔɔrɔnan nin kuru ka la ɲɔgɔn kan bugu ɲafɛ.

¹⁰Duuru minw tugura ɲɔgɔn na, i ka minɛyɔrɔ bi duuru dilan ni juru ye olu laban dakun na, k'o ɲɔgɔn kɛ fanimugu tɔw dakun na.

¹¹I bena fani minɛfɛn bi duuru dilan ni zira ye k'u don juru nunu na ka fani nunu tugu ɲɔgɔn na. O la, o be kɛ fanibugu ye.

¹²Fanibugu nin kuun birifani jaɲa tɔɔ bena to dɔɔni minkɛ, fanimugu nunu kelen tilancɛ bena jigi bugu kɔfɛ.

¹³Fanimugu nunu ka kan ka tɛmɛ fanibugu nin boɲa kan faan dɔ nunu fɛ mɛtɛrɛ tilancɛ tilancɛ. O bena jigi bugu nin faan fila la ten k'a datugu.

¹⁴«Golo minw ka kɛnɛ ani sagajigigolo min dilanna ka wulen, i bena olu kɛ ka bugu nin kuun biri. Golo minw ka kɛnɛ, olu ka to sanfɛ.

¹⁵«I bena akasiyayiri dɔw lalaga k'o lɔ bugu nin kɔnɔna.

¹⁶Yiri nunu kelen kelen bɛɛ jaɲa ka kɛ mɛtɛrɛ duuru duuru ye, u boɲa ka kɛ santimɛtɛrɛ bi wolonwula ni duuru duuru ye.

¹⁷Seen fila ka kɛ u kelen kelen bɛɛ la, k'u tilen ni ɲɔgɔn ye. Bugu nin yiriw bɛɛ kɛ ten.

¹⁸I bena yiri mugan lɛsɛ k'o kɛ worodugu ɲafan ta ye,

¹⁹ka jusigilan bi naani dilan ni warigwɛ ye ka yiri nunu kelen kelen bɛɛ juu sigi fila fila kan, kelen kelen ka sɔrɔ seen nunu kelen kelen bɛɛ jukɔrɔ.

²⁰I ka yiri deen mugan lɛsɛ fana, olu ka kɛ kɔgɔdugu ɲafan ta ye,

²¹ka jusigilan bi naani fana dilan ni warigwɛ ye, yiri kelen kelen bɛɛ ka sigi fila fila kan.

²²I bena yiri wɔɔrɔ lɛsɛ, k'u kɛ bugu nin tileben fɛ ta ye, min y'a kɔfɛ ye,

²³ka fila dilan k'o kɛ bugu nin kɔfɛla nɔnkɔnw taw ye.

²⁴U juuw tena sigi ka nɔrɔ ɲɔgɔn na, nga u bena tugu ɲɔgɔn na sanfɛ ni nigɛ dɔ ye min kɛra i n'a fɔ bololanigɛ. Nɔnkɔn fila nunu ta ka kɛ ten.

²⁵A kɛra ten, yiri deen seegi le bena don yen, u n'u ka jusigilan warigwɛlamanw, yiri kelen kelen bɛɛ jusigilan fila fila, o kɔrɔ ko jusigilan tan ni wɔɔrɔ lo.

²⁶«I bena banabiriw lɛsɛ, o fana ka kɛ akasiyayiri ye: duuru bena don yiri nunu la, bugu nin faan dɔ la,

²⁷ka duuru fana don bugu faan dɔ yiriw la, ka duuru wɛrɛ don bugu nin kɔfɛyɔrɔ taw la, tileben fɛ.

²⁸Banabiri min bena kɛ cɛmancɛ ta ye, ale bena don yiri nunu cɛmancɛ la k'a ta bugu nin faan dɔ la, fɔɔ ka ta'a bila a faan dɔ nin na.

²⁹I bena yiri nunu mɔn ni sanu ye, ka fɛɛn dɔw dilan i n'a fɔ bololanigɛ ni sanu ye, u ka kɛ banabiri nunu donyɔrɔ ye. I ka banabiri nunu fana mɔn ni sanu ye.

³⁰A yirala i la cogo min na kulu kan, i ka bugu nin lɔ ka kɛɲɛ n'o ye.

³¹«I bena fani dɔ dan ni jese kɔlɔbolaman ye, ni jese wulenman, ani jesewulen cɔncɔn, ani jese ɲanaman, k'o kɛ bugu nin cɛtigɛfani ye. Baaralɔnbaga ɲanaman ka *serubɛn jaaw kɛ a kan.

³²I ben'a dulon tutunan naani kan. O tutunan nunu be dilan ni akasiyayiri ye, sanu ka mɔn u kan, ka fani dulonfɛn sanulamanw kɛ u la, k'u juu sigi jusigilan warigwɛlaman naani kan.

³³ I ka fani nin dulon fani minɛfɛn nunu jukɔrɔ, ka layidu taamasiɲɛ kɛsu bila a kɔfɛ, walaka nunu be min kɔnɔ. O la, fani nin bena Yɔrɔ Senuman daan bɔ Yɔrɔ Senumanw ka Senuman na.

³⁴I ka kɛsu nin datugulan biri a kan Yɔrɔ Senumanw ka Senuman kɔnɔ.

³⁵I bena tabali bila fani nin ɲafɛ, bugu worodugu ɲafan na, ka fitinɛ bila kɔgɔdugu ɲafan na k'a ɲaa sin tabali ma.

³⁶«I bena fanibugu dalafani dan ni jese kɔlɔbolaman, ni jese wulenman, ni jesewulen cɔncɔn, ani jese ɲanaman ye k'a sɔgɔ,

³⁷ka akasiyayiri tutunan duuru dilan ka sanu mɔn u la, ka fani dulonfɛn sanulamanw kɛ u la, ka tutunan jusigilan duuru dilan ni zira ye, tutunan kelen, jusigilan kelen.