Read dyu Zɔbu ka kitabu 17 Bible Online

Zɔbu ka kitabu 17 - dyu bible

Zɔbu ka kitabu 17

¹«Ne te sera ka ninakili ka ɲa, ne sii banna ka ban, ne ta ye kaburu ye.

²Mɔgɔlɔgɔbɔbagaw le te ne laminina wa? U ka nɛnili b'a kɛ ne te sera ka sinɔgɔ.

³Ala, e yɛrɛ k'i yɛrɛ di ne kosɔn. Ni ele kelen tɛ, jɔn be sɔn k'o kɛ ne ye?

⁴E y'a kɛ ne teriw te se ka miiri tugu, e ten'a to u be see sɔrɔ.

⁵A kɛra i ko mɔgɔ min y'a teriw wele dumuni na, k'a sɔrɔ a yɛrɛ deenw be u niyɔrɔ kɔnɔna ka dɛsɛ.

⁶Ne ka koo tun kɛra dɔnkiliw ye mɔgɔw fɛ, ne kɛra mɔgɔ ye u be daji tu min kan.

⁷Ne ɲaa dibira tɔɔrɔ kosɔn, ne jara i ko kala.

⁸Mɔgɔɲumanw kabakoyara ka je. Mɔgɔtilenninw dimina filankafɔ kɔrɔ.

⁹Nga, mɔgɔtilennin ka to a ka tilenninya la, mɔgɔɲuman ka barika don a yɛrɛ la.

¹⁰Aw bɛɛ ka na yan tugu sa! Ne tena lɔnnikɛla sɔrɔ aw cɛma.

¹¹Ne sii banna ka ban, ne ka kolatigɛninw cɛnna, n ka miiriya bɛɛ cɛnna.

¹²U b'a miiri ko suu le ye tilefɛ ye. U ko dugu be gwɛra k'a sɔrɔ suu le be kora.

¹³Ne ka kan ka n jigi la mun le kan? Lahara bena kɛ ne sigiyɔrɔ ye. N be taga n layɔrɔ labɛn dibiyɔrɔ la.

¹⁴Ne b'a fɔ n kaburu ye ko n facɛ lo, k'a fɔ bagabagaw ye k'olu le ye ne baa ni n balimamusow ye.

¹⁵Ne jigi be min tugu? Jɔn ɲaa b'a la tugu?

¹⁶An be kori ka taga lahara, an be ben ɲɔgɔn fɛ buguri kɔnɔ.»