Read dyu Zɔbu ka kitabu 26 Bible Online

Zɔbu ka kitabu 26 - dyu bible

Zɔbu ka kitabu 26

¹Zɔbu y'a fɔ Bilidadi ye ko:

²«E kɔni be se ka dɛsɛbagatɔ dɛmɛ sa! I be se ka barikatan bɔsi dɛ!

³I be se kolɔnbali ladicogo la haali! E b'i ka lɔnniya yira koo caaman na!

⁴E ka kuma nunu sinna jɔn ma? Jɔn y'o kuma don i daa la?

⁵Kɔgɔji ka dun, fɛɛn b'a kɔnɔ caaman suuw be yɛrɛyɛrɛ lahara.

⁶Lahara dogonin te Ala ɲakɔrɔ, dingɛba nin kɔnɔna dogonin te a ma.

⁷Ala le ye sankolo bila ten, ale lo ye dugukolo bila ten, a bilanin te foyi kan.

⁸Ale lo ye jii don sankabaw la, a y'a kɛ sankabaw te sɔgɔ jii gwiliya fɛ.

⁹Ale lo b'a ka sigiyɔrɔ datugu, a b'a datugu ni sankabaw ye.

¹⁰A ye daan bɔ ka kɔgɔji lamini, min ye yeelen ni dibi bɔyɔrɔ ye ɲɔgɔn na.

¹¹Sankolo tutunanw be yɛrɛyɛrɛ a ka bagabagali kama. A ka bagabagali be o yɔrɔ kɛ siranyayɔrɔ ye.

¹²Ala be kɔgɔji lamaga a ka sebagaya sababu la. A ye kɔgɔji kɔnɔ fɛnjugu halaki a ka lɔnniya barika la.

¹³A dafɔɲɔ be sankolo fiyɛ k'a gwɛ, a be saa bolitɔ sɔgɔ.

¹⁴N'a ka kɛwalifitini le ye nunu ye, o kɔrɔ ko an be mankan min mɛn, o man bon. Jɔn be se k'a ka sebagaya pɛrɛnkan lamɛn?»