Read dyu Zɔbu ka kitabu 5 Bible Online

Zɔbu ka kitabu 5 - dyu bible

Zɔbu ka kitabu 5

¹«Weleli kɛ. Yala mɔgɔ bena sɔrɔ min b'i jaabi wa? I bena se k'i ɲaa sin mɛlɛkɛw jumɛn ma?

²Bari dimi be naloman faga, keliya le be kɛ sababu ye kolɔnbali ma.

³Ne ye naloman ka koo yiriwatɔ ye, o yɔrɔnin kelen, ne y'a ka soo danga ko:

⁴Ala k'a kɛ a deenw kana dɛmɛ sɔrɔ, u kana dɛmɛbaga sɔrɔ kititigɛyɔrɔ la. U ka jalaki.

⁵Ale yɛrɛ ye suman min ladon, mɔgɔ wɛrɛw k'o ta, hali n'u datugunin be ni ŋɔniw ye, u k'u ta. Wasabaliw k'a ka nafolo cɛ.

⁶Sigɛn te n'a kelen, dɛsɛ fana te n'a kelen.

⁷Adamaden wolola sigɛn le kama, i ko sanmanamana ka kan ka tɛmɛ sanfɛ cogo min na.

⁸Ni ne tun lo, ne tun bena n ɲaa sin Ala le ma, ne tun bena n ka koo ɲafɔ Ala le ye.

⁹A be kobabaw kɛ minw faamu ka gwɛlɛ, a ka kabakow te jati ka ban.

¹⁰A be sanji ben dugukolo kan, a be jii kɛ forow kɔnɔ.

¹¹Mɔgɔ minw majiginin lo, a b'olu kɔrɔta, a fana be dusukasibagatɔw kisi.

¹²A be namaramɔgɔw ka kolatigɛnin cɛn, baara te ɲa u bolo.

¹³ A be hakilitigiw minɛ u ka cekuya la, u ka ladili hakilimanw te foyi ɲa tugu.

¹⁴U be talon dibi kɔnɔ tilefɛ, u be mɔmɔni kɛ dibi kɔnɔ, k'a sɔrɔ tilegwanfɛ lo.

¹⁵Nga Ala be dɛsɛbagatɔ kisi saya ma, a be sigɛnbagatɔ bɔsi u tɔɔrɔbagaw ka sebagaya fanga kɔrɔ.

¹⁶Dɛsɛbagatɔ jigi be fa ten, fɔta te sɔrɔ kojugukɛla fɛ.

¹⁷ O la do, Ala be mɔgɔ min ladi, o tigi ta ye dagamu ye. Kana ban Setigi ka ladili ma.

¹⁸ Ale lo be sɛgɛn la, ka tila k'a ban. A be mandiminin kɛ, ka tila ka fura kɛ.

¹⁹A b'i kisi dusukasi ma siɲɛ caaman, o la, tɔɔrɔ tena i sɔrɔ tugu.

²⁰A bena e tanga saya ma kɔngɔ tuma na, k'i kisi kɛlɛ tuma na.

²¹A bena e tanga mɔgɔw daa ma. Ni cɛnni be kɛra, e tena siran tugu.

²²Ni cɛnni be kɛra, ani kɔngɔ, e kɔni ta ye yɛlɛ le ye. E kana siran kongosogow ɲa.

²³Bari kabakuruw tena sɔrɔ i ka forow la, kongosogow tena maga i la fewu.

²⁴I ben'a lɔn ko hɛrɛ be i ka soo kɔnɔ. N'i y'i ka begɛnw kɔlɔsi, i ben'a ye ko foyi ma bɔ u la.

²⁵I ben'a ye ko i ka soo be yiriwara, ko i kɔmɔgɔw be cayara i ko biin, foro la.

²⁶E bena kɔrɔ kosɔbɛ ka sɔrɔ ka sa, o b'i ta ka don kaburu kɔnɔ i ko u be suman kannin cɛ k'a la cogo min na a kantuma na.

²⁷An ye min sɔrɔ an ka ɲinini caaman na, o le ye nin ye. O yɛrɛ lo tigitigi. A b'i ma k'a mɛn, k'i mako ɲa n'a ye.»