Read dyu Dɔnkiliw Ala ye kitabu 116 Bible Online

Dɔnkiliw Ala ye kitabu 116 - dyu bible

Dɔnkiliw Ala ye kitabu 116

¹Masaba koo ka di ne ye, bari a be ne ka daalili lamɛn.

²A y'a tulo malɔ ne fɛ, ne ben'a daali n sii tile bɛɛ la.

³Saya tun sera ne ma ka ban, lahara siranya tun ye ne minɛ. Dusukasi ni hakiliɲagami tun ye ne sɔrɔ kosɔbɛ.

⁴Ne ye Masaba tɔgɔ wele ko: «Masaba, ne kisi!»

⁵Masaba ka ɲi, kantigi lo. An ka Ala be makari.

⁶Masaba be dɛsɛbagatɔw mara. Ne tun farasi la, a ye ne kisi.

⁷Ne bena n hakili sigi, bari Masaba ye ɲumanya kɛ ne ye.

⁸Tiɲɛ na Masaba, i ye ne bɔsi saya bolo, e ye ne ɲaji cɛ, e ye ne kisi n seen ma talon.

⁹Ka ne to diɲɛ na, ne bena taama Masaba ɲakɔrɔ.

¹⁰ Ne jigi tun b'a kan, hali tuma min na ne tun ko: «Ne halakira pewu!»

¹¹Ne hakiliɲagamikojugu fɛ, ne y'a fɔ ko: «Mɔgɔ bɛɛ ye galontigɛlaw ye.»

¹²Masaba ye koɲuman minw bɛɛ kɛ ne ye, ne bena se ka mun le kɛ a ye o kosɔn?

¹³Ne bena saraka bɔ Masaba ye k'a fo bari a ye ne kisi.

¹⁴Ne bena n ka dajuru sara Masaba ye, a ka jama bɛɛ ɲana.

¹⁵Masaba ka mɔgɔtilenninw saya ye koba ye a ɲana.

¹⁶Masaba, ne y'i ka baarakɛla ye tiɲɛ na. I ka baarakɛla min wolola i ka baarakɛmuso fɛ. I ye ne hɔrɔnya.

¹⁷Ne bena foli saraka bɔ i ye, ne bena i daali.

¹⁸Ne bena n ka dajuru sara Masaba ye, ne bena o kɛ a ka jama bɛɛ ɲana.

¹⁹N bena o kɛ a ka soo luu kɔnɔ, ne bena o kɛ ele Zeruzalɛmu dugu le kɔnɔ. Masaba ka tanu.