Read dyu Dɔnkiliw Ala ye kitabu 121 Bible Online

Dɔnkiliw Ala ye kitabu 121 - dyu bible

Dɔnkiliw Ala ye kitabu 121

¹Zeruzalɛmu taadɔnkili dɔ. Ne be n ɲaa sin kuluw faan fɛ, ne bena dɛmɛ sɔrɔ ka bɔ min?

²Ne ka dɛmɛ be bɔ Masaba le fɛ, ale min ye sankolo ni dugukolo dan.

³A tena sɔn i seen be talon, i kɔlɔsibaga tena sinɔgɔ.

⁴Isirayɛlidenw marabaga te sinɔgɔ, a fana tena sigɛn.

⁵Masaba bena i kɔlɔsi. A bena to i gɛrɛfɛ k'i tanga.

⁶Tile tena i sigɛn tilefɛ, kalo yeelen tena i tɔɔrɔ sufɛ.

⁷Masaba bena i tanga kojugu bɛɛ ma. A bena i nii kisi.

⁸Masaba bena i mara i taatuma n'i segituma, k'a ta sisan ma fɔɔ tuma bɛɛ.