Read dyu Dɔnkiliw Ala ye kitabu 126 Bible Online

Dɔnkiliw Ala ye kitabu 126 - dyu bible

Dɔnkiliw Ala ye kitabu 126

¹Zeruzalɛmu taadɔnkili dɔ. Masaba tun kɔsegira n'an ye *Siyɔn tuma min na, o tun kɛra i ko siko an fɛ.

²An tun be yɛlɛkora dɔrɔn, an tun be nisɔndiyapɛrɛnkan bɔ. Siya wɛrɛw tun b'a fɔra ko: «Masaba ye koba kɛ u ye.»

³Tiɲɛ na, Masaba ye koba kɛ an ye, an nisɔndiyanin lo.

⁴Masaba, an ta ɲa tugu i ko i b'a kɛ jii be segi kongokolon kɔɔw kɔnɔ cogo min na.

⁵Mɔgɔ minw ye danni kɛ ni ɲaji ye, olu bena tigɛli kɛ ni nisɔndiya ye.

⁶A taatɔ dannikɛyɔrɔ la ni sumansi ye, a tun be kasi. Sumantigɛwaati la, a nisɔndiyanin le bena segi n'a ka sɛnɛfɛnw ye.