Read dyu Dɔnkiliw Ala ye kitabu 136 Bible Online

Dɔnkiliw Ala ye kitabu 136 - dyu bible

Dɔnkiliw Ala ye kitabu 136

¹ Aw ka Masaba tanu, bari a ka ɲi, a ka ɲumanya te ban abada.

²Aw ka Ala tanu, ale min ka bon ni batofɛn tɔw bɛɛ ye, a ka ɲumanya te ban abada.

³Aw ka matigiw ka Matigi tanu, a ka ɲumanya te ban abada.

⁴Ale min kelen le be kabakobabaw kɛ, a ka ɲumanya te ban abada.

⁵ Ale min ye sankolo dan ni hakilitigiya ye, a ka ɲumanya te ban abada.

⁶ Ale min ye dugukolo sigi jiba sanfɛ, a ka ɲumanya te ban abada.

⁷ Ale min ye yeelenbɔfɛn belebelebaw dan: A ka ɲumanya te ban abada,

⁸a ye tile dan k'o sigi tilefɛla kunna, a ka ɲumanya te ban abada,

⁹ka kalo ni lolow dan k'o sigi su kunna, a ka ɲumanya te ban abada.

¹⁰ Ale min tun ye Ezipitikaw ka dencɛ fɔlɔw faga, a ka ɲumanya te ban abada.

¹¹ A y'a kɛ Isirayɛlidenw bɔra u cɛma, a ka ɲumanya te ban abada.

¹²A y'o kɛ n'a ka setigiya ye, a ka ɲumanya te ban abada.

¹³ Ale min tun y'a kɛ Buruku kɔgɔji cɛtigɛra, a ka ɲumanya te ban abada,

¹⁴a y'a kɛ Isirayɛlidenw tɛmɛn'a cɛma, a ka ɲumanya te ban abada.

¹⁵Nga a y'a kɛ *Faraŋɔn ka kɛlɛdenw benn'a kɔnɔ, a ka ɲumanya te ban abada.

¹⁶Ale min y'a ka jama bila sira kongokolon kɔnɔ, a ka ɲumanya te ban abada.

¹⁷A ye masacɛbabaw halaki, a ka ɲumanya te ban abada.

¹⁸A ye masacɛ setigiw faga, a ka ɲumanya te ban abada:

¹⁹ Amoriw ka masacɛ Siŋɔn, a ka ɲumanya te ban abada,

²⁰ ni *Basan masacɛ Ɔgi, a ka ɲumanya te ban abada.

²¹A y'u ka jamana di a ka mɔgɔw ma, a ka ɲumanya te ban abada.

²²A y'a di Isirayɛlidenw ma, a ka ɲumanya te ban abada.

²³Ale min y'a hakili to an na an sɛgɛn tuma na, a ka ɲumanya te ban abada,

²⁴a y'an bɔsi an tɔɔrɔbagaw bolo, a ka ɲumanya te ban abada.

²⁵Ale min be dumuni di danfɛnw bɛɛ ma, a ka ɲumanya te ban abada.

²⁶Aw ka barika la Sankolotigi Ala ye, a ka ɲumanya te ban abada!