Read dyu Dɔnkiliw Ala ye kitabu 149 Bible Online

Dɔnkiliw Ala ye kitabu 149 - dyu bible

Dɔnkiliw Ala ye kitabu 149

¹Aw ka Masaba tanu. Aw ka dɔnkilikura la a ye. Aw k'a makiri a ka mɔgɔw cɛma.

²Isirayɛlidenw, aw ka nisɔndiya aw Danbaga kosɔn. *Siyɔnkaw ka ɲanagwɛ kɛ u ka Masacɛ kosɔn.

³Aw k'a tanu n'aw be dɔɔn na. Aw ka dɔnkili la a tɔgɔ la, ka dundun ni kolonjo fɔ.

⁴Bari Masaba ka mɔgɔw koo ka d'a ye, a be sigɛnbagatɔw kisi.

⁵Ala ka mɔgɔw ka nisɔndiya, ka boɲa la a kan. Hali k'u to u ka layɔrɔw la, u ka nisɔndiyapɛrɛnkan bɔ.

⁶Aw ka Ala tanu, murujan min daa fila bɛɛ ka di ka to aw bolo,

⁷janko aw k'aw mɔnɛ bɔ siya wɛrɛw la, ka cɛnni kɛ u cɛma.

⁸Aw k'u ka masaw siri ni jɔrɔkɔ ye, ka nigɛ don u ka mɔgɔbabaw la.

⁹Ɲagwan min koo fɔra Ala fɛ, min koo sɛbɛnna, aw ka kan k'o kɛ u la. O ye boɲaba ye Ala ka mɔgɔw bɛɛ fɛ. Aw ka Masaba tanu.