Read dyu Dɔnkiliw Ala ye kitabu 16 Bible Online

Dɔnkiliw Ala ye kitabu 16 - dyu bible

Dɔnkiliw Ala ye kitabu 16

¹Dawuda ka dɔnkili dɔ. Ala, ne tanga, bari ne be n yɛrɛ kalifa i ma.

²Masaba, ne ko ele le ye ne Matigi ye. Ne ka hɛrɛ te yɔrɔ si ni ele fɛ tɛ do.

³E ka mɔgɔ minw be jamana kɔnɔ, ne ɲaa be fa olu ka boɲa le la.

⁴Minw b'u yɛrɛ kalifa joow ma, olu be dɔ farala u ka tɔɔrɔ kan. Ne tena sarakaw faga u ye, ne tena sɔn u tɔgɔw be bɔ n daa la yɛrɛ.

⁵Masaba, ele lo ye ne ka koo bɛɛ ye, i be ne makoyafɛnw bɛɛ di ne ma. Ne ka siniɲasigi b'i bolo.

⁶Ne ye min sɔrɔ, o ka ɲi kosɔbɛ. Dawula be ne ta kan kosɔbɛ.

⁷Ne be barika la Masaba ye kosɔbɛ, ale min ye ne ladibaga ye. Hali sufɛ, ne be la ka miiri.

⁸ Ne ɲaa be Masaba la tuma bɛɛ n ɲafɛ. A be ne kɔrɔ minkɛ, n hakili tena ɲagami.

⁹O la, ne nisɔn diyanin lo kosɔbɛ, n hakili siginin lo fana.

¹⁰ Bari e tena ne to lahara. Ne min y'i ka mɔgɔtilennin ye, e be ne tanga saya fanga ma.

¹¹Mɔgɔ be to nii na sira min kan, i y'o don ne seen kɔrɔ. Nisɔndiya le be e ɲakɔrɔ dɔrɔn, nisɔndiya banbali le b'i kɔrɔ.