Read dyu Dɔnkiliw Ala ye kitabu 38 Bible Online

Dɔnkiliw Ala ye kitabu 38 - dyu bible

Dɔnkiliw Ala ye kitabu 38

¹Dawuda ka dɔnkili dɔ, a ye min la k'a hakili jigi Ala la.

²Masaba, e diminin kana ne kolo, e kana ne ladi ni dusu ye.

³E ka biɲɛw ye ne sɔrɔ, e bolo sera ne ma.

⁴Ne sigɛnnin lo kosɔbɛ i ka dimi kosɔn. N ka kojugu kama, n fari bɛɛ halakira.

⁵Ne ka fili cayara fɔɔ ne kuun te ye tugu. U kunko ka gwili ne ma kojugu.

⁶Ne joli ye nɛɛn don, a kasa be bɔ n ka nalomanya sababu la.

⁷Ne sigɛnna kosɔbɛ fɔɔ ka kuru, n be tile dusukasi la.

⁸N soron be dimi kosɔbɛ, ne sigɛnnin lo kosɔbɛ.

⁹N barika banna, ne sigɛnna kosɔbɛ. Ne be ŋunan dusukasikojugu fɛ.

¹⁰Matigi, ne be min fɛ, e b'o bɛɛ lɔn. Ne ŋunankun dogonin tɛ i ma.

¹¹Ne dusu be panpan dɔrɔn, barika te n na tugu. Ne ɲaa dibira ka ban.

¹²Ne teriw ni ne taamaɲɔgɔnw te gwɛrɛ n na sigɛn kama, ne sigiɲɔgɔnw be to yɔrɔjan.

¹³Ne ka saya ka di minw ye, olu ye jaanw la ne kama. N halakiko be minw kɔnɔ, olu be n ɲagamikuma le fɔ. U b'a la ka ne tɔgɔ cɛn dɔrɔn.

¹⁴Nga n bi n yɛrɛ kɛ i ko tulogweren, n te foyi mɛn. N bi kɛ i ko bobo, n te foyi fɔ.

¹⁵Ne b'i ko tulogweren, ne te foyi fɔ.

¹⁶Masaba, ne jigi be ele le kan. Ne be ele ka jaabi le kɔnɔna, Matigi ne ka Ala.

¹⁷Ne b'a ɲini e fɛ ko: «E kana to u be nisɔndiya ne kosɔn fewu. Hali ni ne filila, u kana u yɛrɛ fisaya ni ne ye fewu!»

¹⁸N be ɲini ka tunu. Halibi, dimi be tagara ɲa.

¹⁹Tiɲɛ na, ne be n ka fili fɔ. N be dusukasi la n ka kojuguw le kama.

²⁰Ne juguw ka kɛnɛ, fanga b'u la. Minw be n kɔniya gwansan, olu ka ca.

²¹U be n ka koɲuman sara ni juguman ye, u be n jalaki koɲumankɛ kosɔn.

²²Masaba, e kana ne bila kɔ. Ne ka Ala, to ni ne ye.

²³Matigi, ne kisibaga, na joona ka ne dɛmɛ.