Read dyu Dɔnkiliw Ala ye kitabu 47 Bible Online

Dɔnkiliw Ala ye kitabu 47 - dyu bible

Dɔnkiliw Ala ye kitabu 47

¹Kore kɔmɔgɔw ka dɔnkili dɔ, dɔnkililabagaw kuntigi ye min la.

²Jama, aw bɛɛ ka tɛgɛrɛ fɔ. Aw ka Ala tanu ni nisɔndiyapɛrɛnkan ye.

³Bari Masaba, Fɛɛn bɛɛ kuntigi ye kabakofɛn ye. Masacɛba lo dugukolo bɛɛ kan.

⁴A be jama dɔw don an bolo, a be siyaw ben an seen kɔrɔ.

⁵A y'an niyɔrɔ d'an ma, an minw ye Yakuba kunkɔrɔtabagaw ye, min koo tun ka d'a ye.

⁶Ala yɛlɛla sanfɛ tanuli cɛma. Masaba be taama buru fiyɛkan cɛma.

⁷Aw ka Ala tanu, aw k'a tanu! Aw k'an ka Masa tanu, aw k'a tanu!

⁸Bari, ale Ala le ye dugukolo mumɛ bɛɛ Masa ye. Aw ka dɔnkili la k'o yira.

⁹Ala le ye siyaw kuntigi ye. Ala b'a ka masasigilan kan.

¹⁰Siyaw ka ɲamɔgɔw farala Ibrayima ka Ala ka jama kan, bari masaw bɛɛ y'a ta ye dugukolo kan. Ala be fɛɛn bɛɛ kunna.