Read dyu Dɔnkiliw Ala ye kitabu 48 Bible Online

Dɔnkiliw Ala ye kitabu 48 - dyu bible

Dɔnkiliw Ala ye kitabu 48

¹Kore kɔmɔgɔw ka dɔnkili dɔ.

²Masaba ka bon, a ka kan ni tanuli ye. A ka tanu a ka dugu kɔnɔ n'a ka kulu senuman kan.

³ *Siyɔn kulu nin ka ɲi, a be diɲɛ mɔgɔw bɛɛ nisɔndiya. A be kɔgɔdugu ɲafan fɛ, Masacɛba ka dugu lo.

⁴Dugu yɔrɔ barikaman kɔnɔ, Ala y'a yira ko ale ye tangabaga ɲanaman ye.

⁵Masaw tun ye ɲɔgɔn lajɛn. U lajɛnna ka na ɲɔgɔn fɛ Siyɔn kama.

⁶U nan'a ye, yɔrɔnin kelen siranya y'u minɛ, u hakili wilinin ye boli ta.

⁷O yɔrɔnin kelen, u yɛrɛyɛrɛla ka to yen. A kɛra i ko tiin be cun musokɔnɔman kan cogo min na.

⁸A kɛra i ko kɔrɔn fɛ fɔɲɔ min be kurunbabaw halaki.

⁹An ye fɛɛn min mɛn, an ɲaa lara o kan, Masaba Setigi ka dugu kɔnɔ, an ka Ala ka dugu kɔnɔ, Ala fana bena barika don a la kudayi!

¹⁰Ala, an be miiri i ka ɲumanya la, an b'o kɛ i ka soo kɔnɔ.

¹¹Ala, u b'i tanura fɔɔ diɲɛ daan na. I tɔgɔ bɔra diɲɛ faan bɛɛ. I be marali kɛ ni tilenninya ye.

¹²Nisɔndiya be kɛ Siyɔn kulu kan. Zuda mara duguw be nisɔndiyara kosɔbɛ. O be kɛ i ka kiti tigɛnin kosɔn.

¹³Aw ka Siyɔn dugu lamini, k'a sangasow jati.

¹⁴Aw k'a laminikogo filɛ ka ɲa, k'a soo barikamaw kɔlɔsi kosɔbɛ, janko aw ka se k'o lakali waati nata mɔgɔw ye.

¹⁵Ala ye an ka Ala ye kudayi, a bena an dɛmɛ fɔɔ a laban na.