Read dyu Dɔnkiliw Ala ye kitabu 64 Bible Online

Dɔnkiliw Ala ye kitabu 64 - dyu bible

Dɔnkiliw Ala ye kitabu 64

¹Dɔnkililabagaw kuntigi ka dɔnkili. Dawuda ka dɔnkili dɔ.

²Ala, ne kasikan mɛn. Ne tanga n juguw ma n be siran minw ɲa.

³Ne bɔ mɔgɔjuguw ka janfa na. Ne bɔ kojugukɛlaw ka labɛnko la.

⁴U b'u daa diya i ko murujan. U ka kuma farimanw be i ko biɲɛ labɛnnin.

⁵U b'a fɛ ka mɔgɔtilennin bon dogo la. U b'a bonna, u yɛrɛ m'a sara mɔgɔ si la, u fana te siran fewu.

⁶U be ɲɔgɔn jagwɛlɛya kojugukɛ la. U be jaanw koo fɔra, u b'a fɛ ka minw la ka to k'a fɔ ko: «Mɔgɔ si tena foyi ye.»

⁷U be ŋaniyajugu ta ka tila k'a fɔ ko: «An sera an ka koo labɛncogo la dɛ!» Adamaden te se ka dɛsɛ miiriya la abada.

⁸Nga, Ala y'u bon n'a ka biɲɛ ye, a y'u sɔrɔ yɔrɔnin kelen.

⁹U dalakuma le kɛra sababu ye, u mako sara. Minw bɛɛ mana u ye, olu b'u kuun yuguyugu.

¹⁰Mɔgɔ bɛɛ siranna. U be Ala ka kɛwali koo fɔra, u y'a ka kɛta faamu.

¹¹Mɔgɔtilennin bena nisɔndiya Masaba kosɔn. A ben'a yɛrɛ kalifa a ma. Mɔgɔɲumanw bɛɛ kɔni bena nisɔndiya.