Read dyu Dɔnkiliw Ala ye kitabu 75 Bible Online

Dɔnkiliw Ala ye kitabu 75 - dyu bible

Dɔnkiliw Ala ye kitabu 75

¹Dɔnkilibagaw kuntigi ka dɔnkili. Azafu ka dɔnkili dɔ, u ko min ma «Kana cɛnni kɛ.»

²An b'i tanu, Ala, an b'i tanu. I b'an cɛma. An b'i ka kɛta kabakomanw koo fɔ.

³Ala ko: «Ne mana waati min latigɛ, ne be kiti tigɛ ni tilenninya ye o waati kɔnɔ.

⁴Dugukolo n'a kan fɛɛnw be yɛrɛyɛrɛ tuma min na, ne le b'a kɛ a juu be sigi ka ɲa.

⁵Ne ko yɛrɛboɲabagaw ma: ‹Aw kana aw yɛrɛ boɲa tugu.› Ne ko mɔgɔjuguw ma: ‹Aw ka yɛrɛboɲa ser'a daan na.›

⁶Ne k'u ka yɛrɛboɲa ser'a daan na. K'u kana kungwɛlɛyakuma fɔ.»

⁷Kunkɔrɔta te koo ye min be bɔ kɔrɔn, walima tileben fɛ, a fana te bɔ kongokolon kɔnɔ.

⁸Ala le be kiti tigɛ, a be dɔ majigi ka dɔ wɛrɛ kɔrɔta.

⁹Filen dɔ be Masaba bolo, a fanin be duvɛn fariman na. A ka dimi lo. A b'a di dugukolo kan mɔgɔjuguw bɛɛ ma, olu ben'a min fɔɔ k'a ban pewu.

¹⁰Ne bena Yakuba ka Ala koo fɔ tuma bɛɛ, ne bena dɔnkili la a ye.

¹¹A bena mɔgɔjuguw ka yɛrɛboɲa ban, mɔgɔtilenninw bena kunkɔrɔta sɔrɔ.