Read dyu Dɔnkiliw Ala ye kitabu 80 Bible Online

Dɔnkiliw Ala ye kitabu 80 - dyu bible

Dɔnkiliw Ala ye kitabu 80

¹Dɔnkililabagaw kuntigi ka dɔnkili, u ko min ma «Feeren.» Gɔni le be fɔ a latuma na. Azafu ka dɔnkili dɔ.

² Isirayɛlidenw marabaga, mɛnni kɛ, e min be Yusufu kɔmɔgɔw mara i ko sagakulu. E min siginin be *serubɛnw cɛma, e yɛrɛ yira.

³E ka setigiya yira Efarayimu ni Bɛnzamɛn ani Manase kɔmɔgɔw ɲana. E ka wili k'an kisi.

⁴Ala, a kɛ an be kɔsegi ka na. E ka makari an na, an bena kisi.

⁵Masa Ala, Setigi, e dusu bena suma waati jumɛn, i be sɔn e ka jama ka daaliliw ma?

⁶E y'a kɛ an y'an ka dumuni dumu ni ɲaji ye, ɲaji le y'an ka minfilen fa.

⁷E y'a kɛ an sigiɲɔgɔnw be kɛlɛla an ka dugukolo kama, an juguw b'an nɛnina.

⁸Setigi Ala, a kɛ an ka kɔsegi ka na. E ka makari an na, an bena kisi.

⁹Ala, e ye *ɛrɛzɛnsun bɔn Ezipiti jamana kɔnɔ. E nana siya wɛrɛw gwɛn, k'a tutu.

¹⁰E ye yɔrɔ labɛn a kɔrɔ, a ye lili don ka jamana fa.

¹¹A ye suma kɛ kuluw kan, a bolow tun kɛra i ko sɛdiriyiribabaw ta.

¹²A bolow tagara fɔɔ kɔgɔji la, a bolomisɛnw tagara fɔɔ Efarati baji daa la.

¹³Mun na e y'a jata yɔrɔ dɔ cɛn? Tɛmɛbagaw bɛɛ b'a soɲana.

¹⁴Kongolɛ b'a halakira, kongofɛnw bɛɛ y'a kɛ u ka dumuni ye.

¹⁵Setigi Ala, kɔsegi ka na sa! I to sankolo kɔnɔ ka filɛli kɛ, i ka ɛrɛzɛnsun nin dɛmɛ,

¹⁶i ye min tutu, a tanga, i ye barika don min na.

¹⁷Tasuma ye ɛrɛzɛnsun nin jɛni, u y'a tigɛ. U jalaki ni dimi ye, k'u halaki.

¹⁸Mɔgɔ min b'i kinibolo la, o dɛmɛ. E ye barika don adamaden min na, ale dɛmɛ.

¹⁹An tena an kɔɔ sin i ma tugu. An to nii na, an bena i tanu.

²⁰Masa Ala, Setigi, a kɛ an be kɔsegi i ma. E ka makari an na, an bena kisi.