Read dyu Dɔnkiliw Ala ye kitabu 84 Bible Online

Dɔnkiliw Ala ye kitabu 84 - dyu bible

Dɔnkiliw Ala ye kitabu 84

¹Dɔnkililabagaw kuntigi ka dɔnkili. Gatikaw ka gɔni le be fɔ a latuma na. Kore kɔmɔgɔw ka dɔnkili dɔ.

²Masaba, Setigi, e ka soo koo ka di ne ye dɛ!

³Masaba, e ka luu nigɛ be ne la fɔɔ n be ɲini ka sa. Ne be nisɔndiyapɛrɛnkan bɔ Ala ye.

⁴Kɔnɔnin be sigiyɔrɔ sɔrɔ, ɲaga be naganaganin fɛ k'a deenw bila yen, e ka sarakabɔyɔrɔ gɛrɛfɛla la, Masaba, Setigi, ne ka Ala ni n ka Masacɛ!

⁵E ka soo kɔnɔ sigibagaw kɔni dagamunin lo. U bena to k'i tanu tuma bɛɛ.

⁶Mɔgɔ min ka fanga be bɔ ele fɛ, o tigi dagamunin lo. Zeruzalɛmu taga be min dusu la kosɔbɛ, o tigi dagamunin lo.

⁷N'u be tɛmɛna Baka kɔkɛnɛ na, a be kɛ jiyɔrɔ ye, sanji fana be nɛɛma kɛ yen.

⁸U taatɔ, u be to ka fanga sɔrɔ fɔɔ ka taga se Ala ɲakɔrɔ *Siyɔn.

⁹Masa Ala, Setigi, ne ka daalili mɛn. Yakuba ka Ala, i tulo malɔ.

¹⁰Ala, barika don an ka masacɛ la, e ye min woloma.

¹¹Ka loon kelen dama kɛ ele Ala ka luuw kɔnɔ, o ka fisa ni tile waa kelen kɛnin ye yɔrɔ wɛrɛ. N bena to n ka Ala ka soo daa la, o ka fisa n ka to mɔgɔjuguw ka soo kɔnɔ.

¹²Masa Ala ye yeelen ani nigɛkunbɛnnan ye. Masaba be ɲumanya kɛ mɔgɔ ye ka kunkɔrɔta d'a ma, a te ban ka mɔgɔ jalakibali ta ɲa.

¹³Masaba, Setigi, mɔgɔ min b'a yɛrɛ kalifa ele ma, o tigi dagamunin lo.