Read dyu Dɔnkiliw Ala ye kitabu 99 Bible Online

Dɔnkiliw Ala ye kitabu 99 - dyu bible

Dɔnkiliw Ala ye kitabu 99

¹ Masaba ye kuntigi ye, siyaw be yɛrɛyɛrɛ. A siginin be *serubɛnw cɛma, dugukolo be yɛrɛyɛrɛ.

²Masaba ka bon *Siyɔn, ale lo be siyaw bɛɛ kunna.

³Bɛɛ bena i tanu k'i tɔgɔ boɲa wango la. Tiɲɛ na, Masaba, e ka senu.

⁴Tilenninya ka di e Masacɛ min ye, e ka tanu e ka fanga kɔnɔ. Masaba, ele le be tiɲɛ sabati, ele le b'a to tiɲɛ ni kotilennin be kɛ Isirayɛlidenw cɛma.

⁵Aw ka Masaba an ka Ala tanu, aw k'aw kunbiri gwan a seen kɔrɔ. Tiɲɛ na, Masaba, e ka senu.

⁶Musa ni Arɔn tun b'a ka sarakalasebagaw cɛma. Samuyɛli tun be Ala daalibagaw cɛma, olu le ye Masaba daali, a y'u jaabi.

⁷ K'a to sankaba kɔnɔ a kumana u fɛ, olu y'a ka fɔtaw bato, u y'a ka sariyaw bato fana.

⁸Masaba an ka Ala, ele le tun y'u jaabi. E ye Ala ye min be yafa, e fana b'u ɲaa gwan u ka filiw kosɔn.

⁹Aw ka Masaba an ka Ala tanu, aw k'aw kunbiri gwan a ka kulu senuman kan. Tiɲɛ na, Masaba an ka Ala ka senu.