Read dyu Talenw kitabu 2 Bible Online

Talenw kitabu 2 - dyu bible

Talenw kitabu 2

¹N deen, n'i sɔnna ne ka kuma ma, ni ne ka fɔta tora i kɔnɔ,

²n'i ye mɛnni kɛ lɔnniyakuma na kosɔbɛ, n'i sɔnna hakilitigiya ma i dusu la,

³n'i ye hakilitigiya ɲini, n'i ye lɔnniya ɲini,

⁴n'i y'u ɲini warigwɛ ɲinicogo la, n'i y'u wɔgɔbi nafolo dogonin wɔgɔbicogo la,

⁵o tuma na, i bena se ka Masaba ɲasiranya faamu, ani ka se ka Ala lɔn.

⁶Bari, Masaba le be lɔnniya di. Hakilitigiya ni lɔnniya be bɔ Ala le fɛ.

⁷A be see di mɔgɔtilenninw ma. Mɔgɔ min taamacogo ka ɲi, a be kɛ o tangabaga ye.

⁸Mɔgɔ min be taama tilenninya kan, a b'o kɔlɔsi. A b'a ka mɔgɔtilenninw ka sira kɔlɔsi.

⁹O tuma na, fɛɛn min ye tilenninya ye, ni hɔrɔnya, ani kobɛnnin ye, ani fɛɛn o fɛɛn ye hɛrɛ sɔrɔko ye, i bena o faamu.

¹⁰I bena lɔnniya sɔrɔ, kolɔn bena e nisɔndiya.

¹¹Jatiminɛ bena i tanga, faamuyali bena i mara.

¹²O bena i bɔsi sirajugu la, o bena i kisi kumajugu fɔbaga ma.

¹³Mɔgɔ minw be siraɲuman bila ka sirajugu ta, a bena i kisi olu ma.

¹⁴Kojugu ka di u ye. U be nisɔndiya u ka kɛwalijuguw la.

¹⁵Olu kɔni te sira tilennin ta fewu! U ka sira ma ɲi fewu!

¹⁶O kama fana, i bena se k'i yɛrɛ bɔsi kakalamuso bolo, lonan min dalakuma ka di.

¹⁷A bann'a cɛɛ fɔlɔ la, a ɲinɛn'a ka Ala ka bɛɛn kɔ.

¹⁸A ka soo be tagara banyɔrɔ la, a be lahara sira le kan.

¹⁹Ni mɔgɔ o mɔgɔ tagar'a fɛ, o te kɔsegi. O tigi tena mɔgɔ ɲanamanw ka yɔrɔ sira ye tugu.

²⁰O la, i taamacogo ka kɛ mɔgɔɲumanw ta ye, i k'u ka kɛwaliw ladege.

²¹Bari, mɔgɔtilenninw le bena dugukolo tigiya kɛ, olu le bena to a kan.

²²Nga mɔgɔjuguw bena halaki ka ban dugukolo kan. U bena fosi ka bɔ a kan.