Read dyu Talenw kitabu 27 Bible Online

Talenw kitabu 27 - dyu bible

Talenw kitabu 27

¹ Kan'i yɛrɛ boɲa siniko la bari, bii bena laban cogo min na, i t'o lɔn.

²I k'a to mɔgɔ wɛrɛ k'i tanu, o kana bɔ i yɛrɛ daa la. Mɔgɔ wɛrɛ k'o kɛ i ye, a kana kɛ i yɛrɛ ye.

³Kabakuru ka gwili, ani cɛncɛn fana. Nga naloman k'i sigɛn, o doni ka gwili n'o bɛɛ ye.

⁴Fariya ka jugu, lɔyɔrɔ te dusugwan na. Nga jɔn le be se ka lɔ keliya ɲa?

⁵Jalaki min be kɛ ni kɔnɔgwɛ ye, o ka fisa ni teriya ye min te ye.

⁶Teri ka ladiligwɛlɛnw le b'a ka tilenninya yira. I jugu ka foliɲuman ye namarako ye.

⁷Mɔgɔ min fanin lo, o tigi le be ban lii la. N'o tɛ fɛɛn kunaman bɛɛ ka di kɔngɔtɔ daa la.

⁸Mɔgɔ min yɔrɔ ka jan a faso la, o tigi be i ko kɔnɔ min yɔrɔ ka jan a ka ɲaga la.

⁹Tulu kasadiman ni wusulan be mɔgɔ dusu diya. Diya min be teriya la, o ka fisa i ma n'i yɛrɛ ka ladili ye.

¹⁰Kana ban i teri la, walima i facɛ teri la. Kana don i balima kan gwɛlɛya loon na. Sigiɲɔgɔn min yɔrɔ ka surun, o ka fisa ni yɔrɔjan balima ye tuma dɔ.

¹¹N deen, kɛ hakilitigi ye, o bena ne nisɔndiya. O la, ne bena se ka n dɔgɔyabaga jaabi.

¹²Hakilitigi mana kojugu natɔ ye, a be dogo. Nga kolɔnbali be taga tɛmɛ a kɔrɔ, a daa be to a la.

¹³Mɔgɔ min y'a daa di mɔgɔ wɛrɛ ka juruko la, a ka deleke minɛ. Bari, a ko a be lɔ ni lonan kunko ye.

¹⁴N'i y'i sigiɲɔgɔn fo sɔgɔmada joona ni kanba ye, o be jati danga ye.

¹⁵Boon min be to ka sooro o ni muso kɛlɛtigɛla ka kan.

¹⁶O muso ɲɔgɔn marako ye fuu ye. A marako fana be i ko tulu jiman marako e tigɛ kɔnɔ.

¹⁷Nigɛ be nigɛ daa diya cogo min na, o cogo kelen la, mɔgɔ b'a tɔɲɔgɔn hakili diya.

¹⁸Ni mɔgɔ min y'a ka torosun ladon ka ɲa, a ben'a deen dumu. Ni mɔgɔ min y'a kuntigi minɛ ka ɲa, o tigi bena kunkɔrɔta sɔrɔ.

¹⁹N'i ye filɛli kɛ jii kɔnɔ, i b'i yɛrɛ ɲada ye cogo min na, o cogo kelen na, mɔgɔ ka miiriya b'a sɔɔn yira.

²⁰Lahara ye fabali ye cogo min na, adamaden ye wasabali ye ten fana.

²¹Warigwɛ ni sanu be sɛgɛsɛgɛ tasuma na. Adamaden be tanuli min sɔrɔ, a cogo be lɔn o le fɛ.

²²Hali n'i ye naloman susu i ko sumankisɛ, a ka nalomanya tena bɔ a la.

²³Jija k'i ka begɛnw cogo lɔn, i janto u la kosɔbɛ.

²⁴Bari nafolo te to mɔgɔ fɛ tuma bɛɛ, masaya fana te mɛn kudayi.

²⁵I ka biin kan. Biin be nugura tuma min na, i ka kulu kan ta tigɛ fana.

²⁶I ka sagaw sii kɛ i ka fani ye, i ka bakɔrɔninw kɛ foro sɔngɔ ye.

²⁷I ka banɔnɔ caaman sɔrɔ k'i yɛrɛ balo. A kɛ i ka denbaya n'i ka baaradenw ka dumuni ye.