Read dyu Dusukasidɔnkili kitabu 8 Bible Online

Dusukasidɔnkili kitabu 8 - dyu bible

Dusukasidɔnkili kitabu 8

¹N'i tun ye ne baden ye, n'i tun ye ne baa siin le min, ne tun bena i kunbɛn kɛnɛma ka n bolo meleke i la, mɔgɔ si fana tena ne lɔgɔbɔ.

²Ne tun bena taga n'i ye ka don n'i ye ne bamuso ka soo. I tun bena ne dege. Ne tun bena duvɛn kasadiman dɔ d'i ma i k'a min, ne ka yiriden jii.

³I tun bena i numanbolo don ne kuun kɔrɔ, k'i kinibolo kɛ ka ne minɛ.

⁴Heyi! Zeruzalɛmu sunguruw, ne b'aw daali ko aw kana ne kanubaga kunun. Aw kan'a to a be kunun n'a man d'a ye.

⁵Ee! Jɔn le be wilila ka bɔ kongo la ten, n'a tintinnin b'a ka kanubaga kan? Ne y'i kunun pɔmuyiri le kɔrɔ, i baa y'i kɔnɔ ta o min kɔrɔ, i woloba y'i kɔnɔ ta o min kɔrɔ.

⁶Ne koo bila i dusu la. Ne kɛ i ko taamasiɲɛ lafɛn ye i bolo kɔrɔ. Bari barika be kanuya la i ko saya. Keliya ka koo ye yɛlɛmabali ye i ko lahara. A tasuma ye tasuma fariman ye. O ye Matigi ka tasuma ye.

⁷Jiba si te se ka kanuya ka tasuma faga. Jii si te se k'a kunu. Ni min y'a ka soo ka sɔrɔ bɛɛ falen kanuya la, o tena foyi sɔrɔ a la ni dɔgɔya tɛ.

⁸An dɔgɔmuso ka dɔgɔ, a siin ma bɔ fɔlɔ. An ben'an dɔgɔmuso ka koo kɛ di n'a koo kuma wilila loon min na?

⁹Ni dugu laminikogo tun lo, an tun bena tangafɛn warigwɛlaman bila a kan. Ni bonda tun lo, an tun bena yiri barikaman kɛ a koon ye.

¹⁰Ne ye dugu laminikogo ye. Ne siinw be i ko sangasow. O la, ne kɛr'a fɛ i ko hɛrɛ dibaga.

¹¹Yiriforo tun be Solomani fɛ Baalamɔn. A y'a kalifa kɔlɔsilikɛbaga dɔw ma. Olu kelen kelen bɛɛ ka kan ka na ni warigwɛ kuru waa kelen kelen ye k'a kɛ a ka yiridenw sɔngɔ ye.

¹²Ne ka yiriforo kɔni ka koo be ne yɛrɛ bolo. Ele Solomani k'i ka warigwɛ kuru waa kelen minɛ, minw y'a kɔlɔsi, olu ta ye kɛmɛ fila ye.

¹³Ele, sunguru min siginin be nankɔw cɛma, ne teri dɔw tulo dɛnnin be ka mɛnni kɛ i kaan na. Sabali k'a to ne b'a mɛn sa!

¹⁴Boli, ne kanubaga! I ko minan, walima mankalaninden min be panna kulu kasadimanw kan.