Read dyu Sira deen ka kitabu 1 Bible Online

Sira deen ka kitabu 1 - dyu bible

Sira deen ka kitabu 1

¹Kunnafoni Sira deen Zezu le ye kitabu nin sɛbɛn. A tun t'a fɛ zuwifuw ka landaw be tunu, bari, girɛkiw ka landaw tun be fanga sɔrɔla ka taga ɲa o waati la. A tun ye kitabu nin sɛbɛn eburukan na le. Nga, o yɔrɔ caaman tununa. A mamaden tun sera k'a yɛlɛma girɛkikan na. Girɛkikan kitabu yɛlɛmanin le ye nin ye. A be mɔgɔw kalan ko koo bɛɛ la mɔgɔ ka kan k'a yɛrɛ minɛ ka kɛɲɛ ni Ala sago ye. Kitabu nin tilancogo • Sɛbɛ yɛlɛmabaga ka kuma (1) - (35) • Adamaden ka kan k'a yɛrɛ minɛ cogo min na 1.1—16.23 • Adamaden n'a Danbaga Ala 16.24—23.27 • Lɔnniya be min ɲa adamaden ye 24.1—32.13 • Ala ɲasiran lɔyɔrɔ adamaden sii kɔnɔ 32.14—42.14 • Ala ka baara, diɲɛ kɔnɔ 42.15—50.29 • Siraki dencɛ Yezu ka dalili 51.1-12 • Lɔnniya ɲini 51.13-30 <h4>Sɛbɛ yɛlɛmabaga ka kuman</h4> (1) Sariya ani ciraw ni minw tugura u kɔ, ye kobaba caaman di anw ma an be kan ka Isirayɛlidenw tanu minw kosɔn u ka kalan ani u ka kolɔn kama. Nga, mɔgɔ ma kan ka lɔnniya sɔr(...)

²Jɔn be se ka kɔgɔji dala cɛncɛn jati? Jɔn be se ka saan tɔnitɔni daaw jati? Jɔn be se ka tilew duɲɛ daaw bɛɛ jati?

³Jɔn be se ka sankolo jaɲa suma? Jɔn be se ka dugukolo boɲa suma? Jɔn be se ka kɔgɔji duɲa suma?

⁴Lɔnniya danna fɛɛn bɛɛ ɲa. Hakilitigiya be ye kabini tumajan.

⁵Lɔnniya be bɔ Ala ka kuma na sankolo la.

⁶Jɔn le ye lɔnniya lili ye ka ye? Jɔn be lɔnniya ka kɛta lɔn?

⁷Lɔnnihakilitigiya yirala jɔn le la? Jɔn be se ka lɔnniya ka kokɛninw bɛɛ lɔn?

⁸Fɛɛn kelen le ye lɔnnikɛla ye, siranyafɛn lo! Masaba lo, a siginin b'a ka masasigilan kan.

⁹Matigi lo, ale lo y'a dan k'a dan bɛɛ suma k'a ye. A y'a di a ka danfɛnw bɛɛ ma.

¹⁰A ye adamadenw bɛɛ sɔn ka kɛɲɛ. A y'a tilantilan a kanubagaw cɛ. Matigi kanu ye lɔnniya ye, kunkɔrɔta be min na. A man'a yɛrɛ yira minw na, a be lɔnniya di olu ma u k'a lɔn. Matigi ɲasiran

¹¹Boɲa ni kunkɔrɔta be Matigi ɲasiran la, nisɔndiya ni ɲagaliba bɔyɔrɔ lo.

¹²Matigi ɲasiran be mɔgɔ dusu wasa kosɔbɛ, a be mɔgɔ dusu diya k'a nisɔndiya ka sijan d'a ma. Matigi ɲasiran y'ale yɛrɛ ka difɛn ye. Ale lo be mɔgɔ bila kanuya sira kan.

¹³Matigi ɲasiranbaga laban be ɲa. A be kɛ dubaden ye fɔɔ labanlon na.

¹⁴Matigi ɲasiran ye lɔnniya daminɛ ye. A ɲasiranbagaw ka lɔnniya be daminɛ k'u to u baa kɔnɔ.

¹⁵Lɔnniya y'a ka sigiyɔrɔ kɛ adamadenw cɛma kudayi. A bena to n'u deenw ye kantigiya la.

¹⁶Ka siran Matigi ɲa, o ye lɔnniya dafanin sɔrɔ ye. A nafa be adamadenw wasa.

¹⁷A b'u ka soow bɛɛ fa n'u nigɛlafɛnw ye, a b'u ka bondow fa n'a ka sɔrɔfɛnw ye.

¹⁸Lɔnniya ka boɲa bɔyɔrɔ ye Matigi ɲasiran ye. A be hɛrɛ ni kɛnɛya di mɔgɔ ma.

¹⁹Lɔnniya be koo jatiminɛ ni faamuli di mɔgɔ ma. A be boɲaba la a sɔrɔbagaw kan.

²⁰Lɔnniya lili ye Matigi ɲasiran ye. A ka kɛtaw be na ni sijan ye. Yɛrɛminɛ

²²Mɔgɔ min be dimi gwansan gwansan, o tigi te tiɲɛ sɔrɔ. Mɔgɔ ka dusugwan b'a bila a yɛrɛ makosa la.

²³Mɔgɔ min be muɲu, ale be kɔnɔni kɛ fɔɔ ka waatiɲuman se, o kɔ, nisɔndiya be se a ma.

²⁴A be se k'a ka miiriya to a kɔnɔ fɔɔ waatijan. Mɔgɔ caaman ben'a ka hakilitigiya koo fɔ. Lɔnniya ni kotilennin

²⁵Talenw lɔn be lɔnniya ka nafolo cɛma. Ala ɲasiran ka go kojugukɛla ye.

²⁶N'i be lɔnniya fɛ, Ala ka fɔtaw bato, Matigi ben'a d'i ma.

²⁷Bari Matigi ɲasiran le ye lɔnniya ni kalan ye. Kantigiya ni yɛrɛmajigi le ka d'a ye.

²⁸Kana kɛ banbagatɔ ye Ala ɲasiranya la. Kana sɔn Masaba ma ni kɔnɔ fila ye.

²⁹Kana kɛ filakanfɔla ye mɔgɔw ɲana. Se i daa minɛcogo la.

³⁰Kan'i yɛrɛ boɲa, dɔgɔya kana se i ma, mɔgɔw k'i lɛɛbu. Bari Matigi bena e ka koow walaka kɛnɛ kan k'i maloya jama ɲana. Sabu e ma sɔn ka siran Matigi ɲa. E kɔnɔ fana fanin be namaran la.