Read dyu Sira deen ka kitabu 20 Bible Online

Sira deen ka kitabu 20 - dyu bible

Sira deen ka kitabu 20

¹Mɔgɔ ladi Ni ladili min m'a waati sɔrɔ, a be kɛ juguman ye. Ka je tuma dɔ, o be mɔgɔ ka hakilitigiya yira.

²Ka mɔgɔ jalaki, o ka fisa k'i ka dimi mara i kɔnɔ.

³Mɔgɔ min be sɔn a ka fili ma, ale b'a yɛrɛ tanga tɔɔrɔ ma.

⁴Mɔgɔ min b'a fɛ tilenninya ka kɛ fanga la, ale ni cɛɛ kɔbɔnin ye kelen ye, min b'a fɛ ka sunguru ka sunguruya cɛn.

⁵Mɔgɔ dɔ b'a ka lɔnniya yira ni kumabaliya ye, dɔ b'a yɛrɛ koo goya ni kuma caaman ye.

⁶Mɔgɔ dɔ be je bari jaabi t'a fɛ, dɔ be je ka waatiɲuman kɔnɔ.

⁷Hakilitigi be je ka waatiɲuman kɔnɔ. Nga tɔgɔɲinila ni naloman kɔni be kuma dɔrɔn le.

⁸Mɔgɔ min ka kuma ka ca, ale b'a yɛrɛ nigɛ bɔ. Min be je ka dama tɛmɛ, o tigi ka koo be goya. Mɔgɔ sɔn

⁹Mɔgɔ ka bɔnɛ be kɛ a ma hɛrɛ ye tuma dɔ. Hɛrɛ dɔ fana be se ka yɛlɛma ka kɛ juguman ye.

¹⁰Waati dɔ n'i ye mɔgɔ sɔn, o te nafa lase i ma. Nga dɔ be nafa caaman d'i ma.

¹¹Kunkɔrɔta dɔ be laban ni dɔgɔya ye. Dɔgɔya dɔ fana be boɲa lase mɔgɔ ma.

¹²Mɔgɔ dɔ be se ka fɛɛn caaman san ni wari dɔɔni ye. Nga a b'u sɔngɔ ɲɔgɔn wolonwula sara.

¹³Hakilitigi b'a yɛrɛ koo diya ni kuma damani dɔrɔn ye. Nga naloman b'a ka kuma diman kɛ fu.

¹⁴Naloman ka boɲafɛn tena e mako ɲa fewu. Bari, a b'a juru sarata kɔnɔna min ka ca kosɔbɛ. Wasabali min bolomako tɛ n'a be sɔnni kɛ, ale fana be ten.

¹⁵A be fɛɛn fitini di, ka tila ka jalakili caaman kɛ, a b'a daa waga i ko wangolabaga. A mana i dɔndɔ bii, sini, a b'o ɲini i fɛ. O tigilamɔgɔ ka koo man di.

¹⁶Naloman ko: «Teri te ne fɛ. Mɔgɔ si te ne ka ɲuman kɛnin lɔnna. Ne ka dumuni kɛbagaw ye ɲumanlɔnbaliw le ye.»

¹⁷Nga, mɔgɔw be yɛlɛ o mɔgɔ ɲɔgɔn na. Se i daa kɔrɔ

¹⁸Ka tɛrɛndɛ yɔrɔ dakɛɲɛnin na, o ka fisa ka fili kuma na. Mɔgɔjugu bena bari ka ben ten.

¹⁹Mɔgɔ kolɔnbali ka koo be i ko ɲamalɔbali ka koo lakalita tuma bɛɛ.

²⁰Talen mɛn man di naloman daa la bari, a ten'a fɔ a fɔwaati la.

²¹Fantanya be dɔw bali hakɛ ma. U be la ni hakilisigi ye.

²²Dɔ be bɔnɛ a nii na adamadenya kama. A be bɔnɛ a la naloman dɔ kama.

²³Dɔ b'a daa di a teri ma adamadenya kosɔn, o kɔ, u be kɛ ɲɔgɔn juguw ye. Galontigɛ

²⁴Galon be i ko nɔgɔ, adamaden kan. A be sɔrɔ kolɔnbaliw le kan.

²⁵Soon ka fisa ni galontigɛlawara ye. Nga u fila bɛɛ be tagara halakiyɔrɔ le.

²⁶Galontigɛla ka koo be na ni maloya le ye. A ka maloya b'a kunna tuma bɛɛ. Hakilitigiya

²⁷Hakilitigi mako be kuma dɔɔni dama la a ka koo be ɲa. Kolɔnbaga koo ka di mɔgɔbabaw ye.

²⁸Mɔgɔ min be dugukolo sɛnɛ, ale bena suman ton. Mɔgɔ min koo ka di mɔgɔbabaw ye, ale ben'a ka tilenbaliyakow yafa sɔrɔ.

²⁹Bonyafɛn ni fɛnditaw be lɔnnikɛla bali ka yeli kɛ. O be kɛ a daa sanfɛn ye min b'a bali ka jalakili kɛ.

³⁰Lɔnniya dogonin, ani nafolo dogonin, o fila bɛɛ be mun le ɲa sa?

³¹Mɔgɔ min b'a ka nalomanya dogo, o ka fisa ni lɔnniya dogobaga ye. [1] Mɔgɔ ka to Matigi yɔrɔ ɲini la kudayi, o ka fisa k'i ka diɲɛlatigɛ kɛ ten, ni kuntigi t'i la.