Read dyu Sira deen ka kitabu 37 Bible Online

Sira deen ka kitabu 37 - dyu bible

Sira deen ka kitabu 37

¹Terisɔbɛ ani teriɲuman Terimanw bɛɛ b'a fɔ ko: «N teri le y'i ye.» K'a sɔrɔ dɔ ta ye tɔgɔ dama ye.

²Dusukasi jumɛn le be yen min be se ka mɔgɔ faga? O ye i teri ka yɛlɛma ka kɛ i jugu ye.

³An ka miiriyajugu juu bɔra min, fɔɔ ka dugukolo fa namara la?

⁴Teri be nisɔndiya n'a teri ye hɛrɛ waati la, ni dusukasi sera, a be wili a kama.

⁵Teri dɔ be sɔn ka tɔɔrɔ muɲu n'a teri ye dumuni kosɔn, nga ni kɛlɛ wilila, a b'a yɛrɛ tangayɔrɔ ɲini.

⁶K'i to kɛlɛ la, kana ɲinɛ i teri kɔ, i hakili to a la i ka nafolo cɛwaati la. Ladiliw

⁷Ladibaga kelen kelen bɛɛ be miiri k'olu ta le ka ɲi, nga dɔw b'u ta kɛ u yɛrɛ ka tɔnɔ kama.

⁸O la, e k'i yɛrɛ kɔlɔsi i ladibaga la, banba k'a ka laɲinita lɔn fɔlɔ. Bari, a ɲaa b'ale dama ka nafa le la. Kan'a to a k'i niyɔrɔ kɛ a yɛrɛ ta ye,

⁹ani k'a fɔ i ye ko: «Tiɲɛ b'i fɛ,» ka sɔrɔ ka taga lɔ yɔrɔjan k'i laban cogo filɛ.

¹⁰I dimi be mɔgɔ min na, kana hakili ɲini o tigi fɛ. E ka kolatigɛninw dogo i keliyabagaw la.

¹¹Kana sɔn ka hakilila ɲini muso fɛ a sinamuso ka koo la, kana kɛlɛ hakilila ɲininga fagobagatɔ fɛ, kana sɔn ka fɛɛn sɔngɔ ɲininga jagokɛla fɛ, kana sɔn ka fɛɛn sɔngɔ ɲininga a sanbaga fɛ, kana ɲumanlɔnko ɲininga wasabali fɛ. Kana ɲumanya ɲininga hinɛbali fɛ, kana baarako ɲininga salabagatɔ fɛ. Mɔgɔ min b'a ka sara sɔrɔ fɔɔ saan laban na, kana sɔn k'o tigi ɲininga baara banwaati la, kana baaragwɛlɛn koo ɲininga soo kɔnɔ baaradenkolon fɛ. Kana ladili ɲini olu si fɛ k'i jigi la a kan.

¹²Nga to ka taga Alaɲasiranbaga fɛ, e b'a lɔn ko mɔgɔ min be sariya bato, min ka miiriya n'i ta ye kelen ye, ale kɔni bena fara i kan i ka sigɛn na.

¹³E dusu sɔnna koo min ma kosɔbɛ, e jigi la o kan, bari mɔgɔ wɛrɛ te yen tugu min tilennin lo i ye ka tɛmɛ ale kan.

¹⁴Mɔgɔ dusu b'a lasɔmi kosɔbɛ, ka tɛmɛ kɔlɔsilikɛlaw yɛrɛ kan minw be kogo kan.

¹⁵O la do, a ɲini Fɛɛn bɛɛ kuntigi fɛ, a k'i seen bila siraɲuman kan. Lɔnniyasɔbɛ

¹⁶Sɔsɔli be kɛ fɔlɔ ka sɔrɔ ka baara bɛɛ daminɛ, sanni ka koo o koo kɛ, kɔn ka miiri fɔlɔ.

¹⁷Miiriya be bɔ dusu le la.

¹⁸A be kɛ sababu ye koo naani dɔ be wili, min ye: Koɲuman ni kojugu, ani saya ni balo ye. Min b'o latigɛ, o ye mɔgɔ daa ye.

¹⁹Mɔgɔ dɔw be se mɔgɔ wɛrɛ kalan la, nga u te se ka foyi kɛ u yɛrɛ ye.

²⁰Kuma caaman tigi b'a yɛrɛ koo goya mɔgɔ ye fɔɔ a t'a daladumuni sɔrɔ yɛrɛ.

²¹A ma dɛmɛ sɔrɔ ka bɔ Ala fɛ, a koo te se ka diya mɔgɔ wɛrɛ ye, lɔnniya fana t'a fɛ hali dɔɔni.

²²Mɔgɔ dɔ be koo lɔn, nga o be kɛ a yɛrɛ ka tɔnɔ dama kama. A be min sɔrɔ, a hakili la k'o ye a yɛrɛ ka nafa ye.

²³Nga dɔ ka lɔnniya b'a ka jama nafa, miiri min be bɔ a hakili la, o ka ɲi.

²⁴Mɔgɔ min be koo lɔn, o tigi ta ɲana, mɔgɔ o mɔgɔ man'a ye, o b'a fɔ ko a dagamuna.

²⁵Mɔgɔ sii tile daa be se ka jati, nga Isirayɛli ta te se ka jati.

²⁶Mɔgɔ min be koo lɔn, o tigi ka jama jigi b'a kan, a tɔgɔ fana bena wele kudayi. Mɔgɔɲumanya

²⁷Ne deen, i yɛrɛ kɛ mɔgɔsɔbɛ ye e sii kɔnɔ, fɛɛn min ma ɲi e fɛ, e ka ban o la.

²⁸Bari, koo bɛɛ te bɛɛn mɔgɔ bɛɛ ma, bɛɛ man di mɔgɔ bɛɛ ye fana.

²⁹Kana kɛ wasabali ye fɛnɲumanw koo la. Kana girin dumuni kan.

³⁰Bari, dumuni kɛkojugu be na ni bana ye, a damatɛmɛ be na ni fɔɔnɔ ye.

³¹Mɔgɔ caaman sara nugubatɔya kama. Mɔgɔ min b'a yɛrɛ minɛ, o tigi be sijan sɔrɔ.