Read dyu Sira deen ka kitabu 51 Bible Online

Sira deen ka kitabu 51 - dyu bible

Sira deen ka kitabu 51

¹Siraki dencɛ Yezu ka dalili Ne b'a fɛ ka barika la i ye, Masa Ala. Ne b'a fɛ k'i tanu, ne kisibaga Ala. Ne be ele le fora.

²Bari, e kɛra ne tangabaga, ni ne dɛmɛbaga ye. I ye ne kisi saya ma. I ye ne kisi mɔgɔ tɔgɔ cɛnbagaw ka janjugu ma, olu minw be galon tigɛ. I ye ne kisi n jalakibagaw ma.

³I kɛra ne dɛmɛbaga ye, i ye ne bɔsi e ka makari n'i tɔgɔ boɲa kosɔn. I ye ne tanga ne ɲimibaga nunu ɲiiw ma. I ye ne nii kisi n fagabagaw ma. Ne ye gwɛlɛya caaman minw sɔrɔ, i y'a kɛ ne sera k'u muɲu.

⁴I ye ne kisi tasuma ma min tun ye ne lamini, ne tun ma tasuma min mana.

⁵I ye ne bɔsi lahara bolo. I ye ne kisi mɔgɔ dajugu ma, i ye ne kisi u ka galon ma.

⁶Nɛɛn ka fɔta min be i ko biɲɛ, i ye ne kisi o ma. Ne tun sera saya ma yɛrɛ. Ne tun sera lahara ka ban yɛrɛ.

⁷Ne juguw tun ye ne lamini faan bɛɛ fɛ, dɛmɛbaga ma ye ne la. Ne tun be dɛmɛbaga ɲinina mɔgɔw cɛma, nga ne ma foyi sɔrɔ.

⁸O tuma na, ne hakili jigira ele Matigi ka makari la. Ne hakili jigira e ka ɲumanya kɔ, min ye tuma bɛɛ ta ye. Minw be muɲuna k'i kɔnɔ, i be olu kisi. E b'u bɔsi mɔgɔjugu bolo.

⁹O la, ne tora duguma ka kule i nɔɔ fɛ, ne tun b'i dalila janko ne ka kisi saya ma.

¹⁰Ne ye Matigi dali, ale min ye ne matigi faa ye, janko a kana ne fili lonjugu la, yɛrɛboɲalaw ka waati la, dɛmɛbaga tanya be ne la yɔrɔ min na.

¹¹Ne tena i tɔgɔ tanu dabila fewu. Ne bena e ka ɲumanya kofɔ dɔnkili la. O tuma na, ne ka dalili jaabira.

¹²I ye ne kisi saya ma. I ye ne bɔsi waatijugu la. O kama, ne b'a fɛ k'i fo, ka barika la i ye. Ne bena ele Matigi tɔgɔ tanu. Lɔnniya ɲini

¹³Ne tun ye denmisɛn ye tuma min na, sanni ne ka taga yaala, ne ye lɔnniya ɲini kɛnɛ kan n ka Aladaliwaatiw la.

¹⁴Ne ye Ala dali lɔnniya la Alabatosoba ɲafɛ. Ne ben'a ɲini fɔɔ n sii daan na.

¹⁵Lɔnniya yiriwara i ko *ɛrɛzɛn min be mɔna. A kɛra ne dusu diyafɛn ye. Ne seenw ye sira tilennin minɛ. Kabini ne denmisɛnman, ne tugur'a kɔ.

¹⁶Ne ye n tulo malɔ dɔɔni dɔrɔn, ne y'a sɔrɔ. Ne ye koo caaman lɔn kosɔbɛ.

¹⁷Ale barika la, ne ka koow tagara ɲa. Min ye lɔnniya di ne ma, ne bena barika la o tigi ye.

¹⁸Ne y'a ŋaniya ko ne ben'a bato. Koɲumankɛdusu be ne la, ne tena nimisa o la abada.

¹⁹Ne jijara waasa k'a sɔrɔ, ne ye n timina diya sariya batoko la. Ne ye n bolow kɔrɔta sanfɛ ka Ala dali ka n ka dɛsɛ fɔ lɔnniya la.

²⁰Ne ye n ka miiriya sin a ma, ne ma n yɛrɛ nɔgɔ, ne y'a sɔrɔ. Ale sababu la, ne kɛra hakilitigi ye kabin'a daminɛ. Ne y'a lɔn ko a tena ne to abada.

²¹Ne kɔnɔ tun gwann'a ɲini la. O le y'a to, ne y'a sɔrɔ cogoɲuman na.

²²Matigi ye ne sɔn boɲafɛn na, min ye ne daa ye. Ne ben'a waleɲuman lɔn n'o le ye.

²³Aw minw te hakilitigiw ye, aw ye na ne fɛ. Aw ye don ne ka kalan na.

²⁴Mun na aw bena to a tanya la ka waatijan kɛ? K'a sɔrɔ, a nigɛ b'aw la.

²⁵Ne mana n daa yɛlɛ, n b'a wango la. Aw ye sɔn a ma k'a kɛ aw ta ye, sara t'a la.

²⁶Aw k'aw yɛrɛ majigi ka sɔn a ka tɔɔrɔ ma. Aw ka sɔn a ka kalan ma. Aw ben'a sɔrɔ aw kɔrɔ yɔrɔsurun na.

²⁷Aw yɛrɛ ɲaa k'a ye ko ne ma sigɛnba kɛ a kosɔn sanni ka lafiɲɛba sɔrɔ.

²⁸Aw k'aw sɔbɛ don kalan la, lɔnniya barika la, aw bena sanu caaman sɔrɔ.

²⁹Aw k'aw nisɔn diya Matigi ka makari kosɔn. Aw kana maloya n'a tɔgɔ tanu ye.

³⁰Aw k'aw ka kɛta kɛ sanni waati ka se, o la, a bena aw ka sara d'aw ma a diwaati la. Dɔnkili nin sɔrɔla Ezipiti

³¹Aw ka Matigi tanu, bari a ka ka ɲi, a ka ɲumanya te ban abada.

³²Ala min ka kan ni tanuli ye, aw k'a tanu, bari, a ka ɲumanya te ban abada.

³³Aw ka Isirayɛli kɔlɔsibaga tanu, bari, a ka ɲumanya te ban abada.

³⁴Aw ka diɲɛ Danbaga tanu, bari, a ka ɲumanya te ban abada.

³⁵Aw ka Isirayɛli kumabɔbaga tanu, bari, a ka ɲumanya te ban abada.

³⁶Aw ka Isirayɛliden jɛnsɛnninw kafobaga tanu bari, a ka ɲumanya te ban abada.

³⁷Aw k'a ka dugu sigibaga n'a batoso lɔbaga tanu bari, a ka ɲumanya te ban abada.

³⁸Aw ka Dawuda ka masaya kɔrɔtabaga tanu bari, a ka ɲumanya te ban abada.

³⁹Aw ka sarakalasebagaw wolomabaga tanu olu minw ye Sadɔki dencɛw ye, bari, a ka ɲumanya te ban abada.

⁴⁰Aw ka Ibrayima tangabaga tanu bari, a ka ɲumanya te ban abada.

⁴¹Aw ka Isiyaka tangakabakuru tanu bari, a ka ɲumanya te ban abada.

⁴²Aw ka Yakuba ka Setigi tanu bari, a ka ɲumanya te ban abada.

⁴³Aw ka Siyɔn wolomabaga tanu bari, a ka ɲumanya te ban abada.

⁴⁴Aw ka masaw ka Masa tanu bari, a ka ɲumanya te ban abada.

⁴⁵A ben'a ka jama kɛ setigiw ye kosɔbɛ, o le y'a tanukun ye a ɲasiranbagaw bɛɛ fɛ, Isirayɛlidenw fɛ, siya min ka surun a la. Aleluya! Mɔgɔ ka kan ka lɔnniya ɲini

⁴⁶Tuma min na n tun ye kamelen ye, sanni n ka taa yaala, n ye lɔnniya ɲini. [1]

⁴⁷N y'a sɔrɔ caaman n ben'a ɲini foo ka taa se a dan na.

⁴⁸Ɛrɛzɛn be mɔn ka dusudiya di tuma min na, feere be kuru cogo min na, ne fana taamana nisɔndiya la ten fana bari ne ye lɔnniya lɔn kabi n kamelen tuma.

⁴⁹N ye n tulo malɔ dɔɔni, waasa ka kalan diman caaman sɔrɔ.

⁵⁰A kɛra sababu ye ne fɛ ani lɔnniya min ye kalan ye, n ka boɲa la a kan a ka kan nin min ye. N tun ko n be n ka nisɔndiya ɲini,

⁵¹n banbana ka lɔnniya ɲini n ma waati kɔnɔ.

⁵²N ye n ka hami bana a kosɔn n ma n kɔ di.

⁵³N ye yɛrɛ tɔɔrɔ a kosɔn n taara foo a nɔ fɛ. N ye n tigɛ jan a fɛ, n y'a ka gundo jati minɛ n ye n yɛrɛ saniyani to.