Read dyu Sira deen ka kitabu 9 Bible Online

Sira deen ka kitabu 9 - dyu bible

Sira deen ka kitabu 9

¹Musow Kana keliya kɛ i diyanamuso kosɔn, n'o tɛ, a bena to ka kojugu kɛ i faan fɛ.

²Kan'i yɛrɛ to muso bolo a ka kɛ i kuntigi ye.

³Kan'i yɛrɛ labila kakalamuso ye, n'o tɛ, a ka jaan bena i sɔrɔ.

⁴Kana sigi ka mɛn dakamana muso kɔrɔ, n'o tɛ, a ka cɛɲa bena i lafili.

⁵Kan'i ɲaa bɔ sungurunin fɛ, n'o tɛ, o bena kɛ baasi ye i ma.

⁶Kan'i yɛrɛ di kakalamuso ma, n'o tɛ, i bena bɔnɔ e bololafɛnw bɛɛ la.

⁷Kana filɛli kɛ faan bɛɛ dugu kɔnɔ siraw kan. Kana munumunu a logologo lakolonw na.

⁸I ɲaa bɔ muso cɛɲuman kan. Muso cɛɲuman min t'i ta ye, kan'i ɲaa bɔ a fɛ. Muso ka cɛɲa ye mɔgɔ caaman fili. Cɛɲa b'a nigɛ mana mɔgɔ kɔnɔ i ko tasuma.

⁹Kana sigi muso furunin kɔrɔ fewu, kana sigi ka duvɛn min n'a ye dɛ, n'o tɛ, a nigɛ be se k'i minɛ, o be kɛ sababu ye i be halaki. Adamaden ni ɲɔgɔn cɛ

¹⁰Kana i terikɔrɔ fili bari kuraman nin te kɔrɔman bɔ Terikura ye dɔrɔkura ye. A diya be lɔn n'a kɔgɔra tuma min na.

¹¹Kan'i ɲaa bɔ kojugukɛla ka ɲataa fɛ, bari, e m'a lɔn a bena laban cogo min na.

¹²Kana sɔn Alaɲasiranbali ka ɲa ma, e k'i hakili to a la ko a tena to ɲagwanbali ye.

¹³Mɔgɔfaga see be mɔgɔ min ye, i yɛrɛ mabɔ o tigi la. O la, i bena kisi saya ma. Nga n'i nan'a fɛ, e kana fili dɛ, n'o tɛ, a bena e nii bɔ. E ka l'a la ko i be taamana jaanw le cɛma, ko e labilanin lo i ko mɔgɔ min be dugu laminikogo kan.

¹⁴N'i be se, i sɔbɛ don i mɔgɔɲɔgɔn na tuma bɛɛ. Ladili ɲini lɔnnikɛlaw fɛ.

¹⁵Hakilitigiw le ɲini k'o kɛ i barokɛɲɔgɔnw ye. E ka fɔta bɛɛ ka sin Fɛɛn bɛɛ kuntigi ka sariya ma.

¹⁶Mɔgɔtilenninw ka kɛ i dumunikɛɲɔgɔnw ye. Matigi ɲasiran ka kɛ i kunkɔrɔtako ye.

¹⁷Bololabaarakɛla bulonɔ le be tanu. Nga jama ɲamɔgɔ ka lɔnniya le be jati a kumatuma.

¹⁸Kuma caaman tigi ka dugumɔgɔw be siran a ɲa. Daa caaman tigi b'a koo goya mɔgɔw ye.