Read dyu Ezayi ka kitabu 12 Bible Online

Ezayi ka kitabu 12 - dyu bible

Ezayi ka kitabu 12

¹O loon na, i ben'a fɔ ko: «Masaba, ne be barika la i ye, bari, e tun dimina ne kɔrɔ. Sisan, i ka dimi nɔgɔyara, i ye ne jigi tugu.

² Ala ye ne kisibaga ye. Ne jigi b'ale lo kan, n te siran tugu. Bari, Masaba le be ne barika boɲa kosɔbɛ. Ale ye ne kisi.»

³Aw nisɔndiyanin bena jii bɔ kisili bɔyɔrɔ la.

⁴Aw ben'a fɔ o loon na ko: «Aw ka barika la Masaba ye, k'a tɔgɔ bɔ. A ye koba minw kɛ, aw k'o fɔ siyaw ye, ka mɔgɔw hakili jigi a tɔgɔ boɲako la.

⁵Aw ka dɔnkili la Masaba ye, bari, a ye kobabaw kɛ. O ka fɔ diɲɛ yɔrɔ bɛɛ la.

⁶*Siyɔnkaw, aw ka nisɔndiyapɛrɛnkan bɔ kosɔbɛ, bari, Isirayɛli ka Ala min b'aw cɛma, ale ka bon.»