Read dyu Ezayi ka kitabu 18 Bible Online

Ezayi ka kitabu 18 - dyu bible

Ezayi ka kitabu 18

¹ Bɔnɛ ye ele jamana nin ta ye! Ele min ka kurunw be ni fani fila fila ye minw be Etiyopi bajiw kan.

²Ele min be cidenw ci Nili baji kan, n'u be taga kurun binlamanw kɔnɔ. Aw ye kɔsegi, ciden telimanw, ka taga mɔgɔjanjanw fɛ, minw fari be manamana! Mɔgɔ minw be siranya bila yɔrɔjan ni yɔrɔsurun mɔgɔw la. Siya barikaman min be tɔɔrɔ la mɔgɔw kan, aw ye kɔsegi aw ka jamana na, jamana min kɔnɔ babolow ka ca.

³Aw diɲɛ mɔgɔw bɛɛ, aw minw be dugukolo kan, ni taamasiɲɛ kɔrɔtara kuluw kan tuma min na, aw ka filɛli kɛ! Ni buru fiyɛra tuma min na, aw k'aw tulo malɔ!

⁴Bari, Masaba kumana ne fɛ ko: «Ne bena to n nɔɔ na ka to ka filɛli kɛ. N be to yen i ko funteni, tile kɔrɔ, i ko suman tigɛwaati sankaba.»

⁵Yanni *ɛrɛzɛn ka tigɛ ɛrɛzɛnw feeren kɛnin kɔ n'a mɔna, u b'a bolo nafatanw tigɛ ni wɔrɔsɔ ye.

⁶O waati ben'a sɔrɔ kɛlɛdenw bɛɛ suuw be to kuluw kan kɔnɔw ye, o bena to yen kongosogow ye. Kɔnɔw bena na funteniwaati kɛ yen, kongosogow bɛɛ bena nɛnɛwaati kɛ yen.

⁷O tuma na, mɔgɔjanjanw minw fari be manamana, olu bena na boɲafɛnw di Masaba, Setigi ma. Siya min be siranya bila yɔrɔjan ni yɔrɔsurun mɔgɔw la, siya barikaman min be tɔɔrɔ la u kan, min ka jamana babolow ka ca. U bena na ni boɲafɛnw ye *Siyɔn, Masaba, Setigi ka kulu kan.