Read dyu Ezayi ka kitabu 22 Bible Online

Ezayi ka kitabu 22 - dyu bible

Ezayi ka kitabu 22

¹Kirayakuma min sinna Yelifɛn kɔkɛnɛ ma. [1] E Zeruzalɛmu, mun lo kɛra? Mun na i kɔnɔ mɔgɔw bɛɛ yɛlɛla boonw sanfɛ?

²Mankanba be bɔra e min kɔnɔ, nisɔndiya be yɔrɔ bɛɛ. I ka mɔgɔ minw sara, u ma faga ni murujan ye! U ma faga kɛlɛ la fana!

³I ka kɛlɛkuntigiw bɛɛ bolila, o y'u minɛ k'u kɛ kasodenw ye kala ɲasiran kosɔn. Minw bɛɛ sɔrɔla, o y'u kɛ kasodenw ye. U tun bolila ka taga fɔɔ yɔrɔjan.

⁴Ayiwa, sisan, aw ye ne to, n be kasi kosɔbɛ. Aw kana aw yɛrɛ sigɛn ka ne dusu saalo ne ka mɔgɔw halakiko la.

⁵Bari, bii loon ye hakiliwili loon ni ɲagamini loon ye, juguw ka see sɔrɔlon. Matigi, Masaba, Setigi bulonɔ lo. Yelifɛn kɔkɛnɛ la, u ye dugu laminikogo ci, kulekanw be mɛnna kulu kan.

⁶Elamukaw be ni toon ye u kɔɔ la. U dɔw be kɛlɛkɛwotorow kan, dɔw be soow kan. Kirikaw y'u ka nigɛkunbɛnnanw ta.

⁷Aw ka kɔkɛnɛɲumanw fara kɛlɛkɛwotorow la ka ban. Sotigiw y'u sigiyɔrɔw labɛn aw ka dugu dondaw la ka ban.

⁸Tangabaga te Zuda la tugu. Boon min be wele ko Tuu, o loon na, aw ye filɛli kɛ o faan fɛ, maramafɛnw bilayɔrɔ la.

⁹Aw ye Dawuda ka dugu laminikogo cicinin ye yɔrɔ caaman, aw ye jii mara dalan kɔnɔ dugumala la.

¹⁰Aw ye Zeruzalɛmu boonw jati, ka dɔw ci waasa ka dugu laminikogo lalaga n'u kabakuruw ye.

¹¹Aw ye jii lɔyɔrɔ dilan kogo fila nunu cɛ, Dalan kɔrɔman jii kama. Nga aw m'aw ɲaa sin o koow kɛbaga ma. Min y'o koow labɛnni daminɛ a mɛnna, aw m'ale jati.

¹²O loon na, Matigi, Masaba, Setigi y'aw wele ko aw ka kasi kosɔbɛ, k'aw kuun li, ka dusukasifani don aw kaan na.

¹³ K'a sɔrɔ nisɔndiya ni ɲanagwɛ le tun be yen. Misiw be faga, sagaw be faga, sogo be ɲimi, duvɛn be min. Aw ko: «An ka dumuni kɛ ka minni kɛ, bari sini an bena sa.»

¹⁴Masaba, Setigi y'a fɔ ne ye ko: «Aw tena aw ka kojugu yafa sɔrɔ n'aw ma sa.» Matigi, Masaba, Setigi y'o fɔ.

¹⁵Matigi, Masaba, Setigi y'a fɔ ne ye ko: «Taga Sɛbina fɛ, min be masaso kunna, k'a fɔ a ye ko:

¹⁶Mun le b'i fɛ yan? I niyɔrɔ ye jumɛn ye yan, n'i bena i ka kaburu sogi yan, k'a sogi kulu kan, k'i layɔrɔ labɛn farawo la?

¹⁷Cɛɛ barikaman, Masaba bena i yuguyugu kosɔbɛ! A bena i kuturu

¹⁸k'i fili ka taga, i bena kolonkolon i ko kabakuru fɔɔ ka taga se yɔrɔba la. I bena sa yen, n'i ka kɛlɛkɛwotorow ye minw ye i ka kunkɔrɔtafɛnw ye. E min tun b'i kuntigi ka soo maloya!

¹⁹Ne bena i gwɛn ka bɔ i ka baara la, k'i bɔ i sigiyɔrɔ la.

²⁰O loon na, ne bena n ka baarakɛla wele, o ye Ilikiyawu dencɛ Eliyakimu ye.

²¹Ne bena i ka foroca don a kaan na, ne ben'a cɛɛ siri n'i ka cɛsirilan ye. Ne ben'i ka fanga don a bolo. A bena kɛ Zeruzalɛmukaw ni Zuda mara mɔgɔw faa ye.

²² Ne bena Dawuda ka soo konnigɛ d'a ma. N'a ye daa yɛlɛ, mɔgɔ ten'a tugu. N'a y'a tugu, mɔgɔ ten'a yɛlɛ.

²³Mɔgɔ be gween tutu yɔrɔgwɛlɛn na cogo min na, ne ben'a kɛ ten. A ben'a faa ka soo kuun kɔrɔta.»

²⁴A ka balimayabolo bɛɛ bena dulon ale lo kan, a belebelew fara misɛnmanw kan. U bena dulon i ko minanw be dulon cogo min na.

²⁵Masaba, Setigi ko: «O loon na, gween min tutura yɔrɔgwɛlɛn na, o bena yɔgɔyɔgɔ, a bena bɔn ka ben. Fɛɛn min bɛɛ tun dulonnin b'a kan, o be cɛn.» Masaba le kumana.