Read dyu Ezayi ka kitabu 31 Bible Online

Ezayi ka kitabu 31 - dyu bible

Ezayi ka kitabu 31

¹Mɔgɔ minw be taga dɛmɛ ɲini Ezipiti jamana fɛ, bɔnɛ ye olu ta ye! U b'u jigi la soow kan, k'u jigi la kɛlɛwotorow caya kan, u b'u jigi la sotigiw kan, bari u ka ca. Nga, u te filɛli kɛ Isirayɛli ka Ala senuman faan fɛ, u te Masaba ɲini.

²K'a sɔrɔ ale be se dɛ! A be se ka tɔɔrɔ la mɔgɔw kan. A t'a daa yɛlɛma. A be wili mɔgɔjuguw kama, ni minw be kojugukɛlaw dɛmɛ.

³Ezipitikaw ye mɔgɔw le ye, u te Ala ye. U ka soow ye nimanfɛnw le ye, jinaw tɛ. Ni Masaba wilila tuma min na, tigi min be dɛmɛ kɛra, ale bena talon, u be min dɛmɛna, ale bena ben. U bɛɛ bena halaki ɲɔgɔn fɛ.

⁴Masaba y'a fɔ ne ye ko: «Ka jaracɛ, walima jarakanbelen to a ka sogo kan n'a be sɔngɔra, hali ni begɛndɛndɛbagaw ye ɲɔgɔn lajɛn caaman a kama, a te siran u kulekan ɲa cogo min na, u ka mankan t'a hakili wili cogo min na, o cogo kelen na, ne Masaba, Setigi bena jigi *Siyɔn kulu kan, n yɛrɛ ka kulu kan, ka kɛlɛ kɛ.

⁵Kɔnɔ be van k'a gaman waga cogo min na, o cogo kelen na, ne Masaba, Setigi bena n bolo kɛ ka Zeruzalɛmu sutara. N ben'a sutara k'a kisi, n ben'a dɛmɛ k'a bɔ bolo la.»

⁶Aw Isirayɛlidenw, aw ye Masaba janfa fɔɔ ka tɛmɛ. Aw ye kɔsegi a ma.

⁷O loon na, bɛɛ ben'a ka joo warigwɛlamanw ni sanulamanw fili. Aw kojugukɛlaw bolow ye minw dilan.

⁸«Asirikaw bena faga ni murujan ye, muru min te mɔgɔ ta ye. U bena halaki ni murujan ye, o te adamaden ta ye. U bena boli murujan ɲa, u ka kanbelenw bena minɛ ka bila fangabaara la.

⁹U ka barikatigiw bena boli siranya bolo, u ɲamɔgɔw jaa bena tigɛ kɛlɛtaamasiɲɛ yeko la.» Masaba le ko ten, ale min ka tasuma be Siyɔn, tasuma mananin b'ale min fɛ Zeruzalɛmu.