Read dyu Ezayi ka kitabu 56 Bible Online

Ezayi ka kitabu 56 - dyu bible

Ezayi ka kitabu 56

¹Masaba ko: «Koo min bɛnnin lo, aw k'o kɛ, koo min tilennin lo, aw k'o kɛ. Bari, ne bena aw kisi waati min na, o surunyana. Ne ka kantigiya bena lɔn.

²Ne ye min fɔ, mɔgɔ min b'o bato, adamaden min b'o minɛ ka ɲa, mɔgɔ min be lafiɲɛlon bato n'a t'a cɛn, mɔgɔ min be ban kojugu bɛɛ la, o tigi dagamunin lo.»

³Siya wɛrɛ deen min mana nɔrɔ Masaba la, ale kan'a fɔ ko: «Siga t'a la, Masaba bena ne niin bɔ a ka jama ka koo la.» Cɛɛ kɔbɔnin kan'a fɔ ko: «Ne kɛra yiri janin ye.»

⁴Bari Masaba ko: «Cɛɛ kɔbɔnin min be ne ka lafiɲɛlon bato, min be ne diyanako kɛ, min nɔrɔnin be ne ka layidu la kosɔbɛ,

⁵ne bena taamasiɲɛ kɛ a tɔgɔ la n ka soo kɔnɔ, ka tɔgɔ d'a ma. O ka fisa ni dencɛ ni denmuso sɔrɔko ye. N bena tɔgɔ min l'a kan, o te na tunu ka bɔ yen abada.

⁶Siya wɛrɛ deen minw mana nɔrɔ ne Masaba la ka to ka baara kɛ ne ye, ka to ka ne kanu, ka kɛ n ka baarakɛlaw ye, minw bɛɛ be lafiɲɛlon bato n'u t'a cɛn, minw nɔrɔnin be ne ka layidu la kosɔbɛ,

⁷ ne bena na ni olu ye n ka kulu senuman kan, ne bena u nisɔn diya ne daaliso kɔnɔ. N bena sɔn u ka saraka jɛnitaw ni saraka tɔw ma, bari, ne ka soo bena kɛ siyaw bɛɛ ka daalilikɛyɔrɔ ye.»

⁸Isirayɛliden minw minɛna ka taga, Matigi, Masaba min ye olu lajɛnbaga ye, ale ko: «Ne y'u dɔw lajɛn ka ban, ne bena u dɔw lajɛn tugu.»

⁹Kongo kɔnɔ sogow bɛɛ ka na, tuu kɔnɔ sogow bɛɛ ka na dumuni kɛ!

¹⁰Isirayɛli ka kɔlɔsilikɛbagaw bɛɛ ye fiɲɛntɔw ye, u te foyi kala ma. U bɛɛ ye wulu nalomanw ye, u te se ka sɔngɔ. U b'a la ka siko, u lalanin be, sinɔgɔ ka d'u ye.

¹¹Wulu nugubatɔw lo fana, u te fa. Begɛndɛndɛbaga minw lo, u te foyi faamu. U bɛɛ be tugu u yɛrɛw ka sira le kɔ, u bɛɛ b'u yɛrɛw ka nafa le ɲinina.

¹²Bɛɛ be to k'a fɔ ko: «Aw ye na, an be taga duvɛn yaala. An bena minnifɛn farimanw min. Sini bena kɛ i ko bii, a bena diya yɛrɛ ka tɛmɛ bii kan.»