Read dyu Baruki ka kitabu 5 Bible Online

Baruki ka kitabu 5 - dyu bible

Baruki ka kitabu 5

¹Zeruzalɛmu, i ka dusukasifani bɔ i kaan na k'i masiri ni Ala ka nɔɔrɔ ye, i masirinin ka to ten kudayi.

²I ka tilenninya kɛ fani ye k'a don i kaan na, min be bɔ Ala fɛ. Masaba ka nɔɔrɔ ka kɛ masafugulan ye i fɛ min birinin be i kuun na.

³Bari Ala bena i ka nɔɔrɔ yira dugukolo kan mɔgɔw bɛɛ la.

⁴A bena tɔgɔ min la i kan, k'a kɛ i ta ye tuma bɛɛ, o filɛ nin ye ko: «I ka hɛrɛ be bɔ i ka tilenninya la, i ka nɔɔrɔ be bɔ i ka Alaɲasiranya la.

⁵Zeruzalɛmu, wili ka lɔ kulujan kan ka filɛli kɛ kɔrɔn fɛ. I deenw filɛ, u be lajɛnna ka bɔ faan bɛɛ, k'a ta tileben fɛ fɔɔ ka ta'a bila kɔrɔn fɛ Ala senuman ka kuma barika la. U nisɔndiyanin lo bari Ala hakili jigira u la.

⁶U bɔra i fɛ seen na, u juguw tun b'u ɲɔtira. Nga Ala y'u segi i ma ni boɲaba ye i ko masaw, masasigilan kan.

⁷Bari Ala y'a fɔ ko kulubabaw bɛɛ ka ci, ani tintinw minw daa te se ka lɔn. A y'a kɛ dingɛbabaw fara janko dugukolo ka dakɛɲɛ, Isirayɛlidenw ka se ka taama ka ɲa ale ka nɔɔrɔ la.

⁸Ala ko tuuw ni yiri kasadimanw bɛɛ k'u ka suma labɛn Isirayɛlidenw ye, u y'o kɛ.

⁹Tiɲɛ na, Ala bena yeelen bɔ Isirayɛlidenw ye a ka nɔɔrɔ barika la, k'u segi ka na. A ka mɔgɔw bena segi ni nisɔndiya ye bari o ben'a sɔrɔ a makarila u la.