Read dyu Oze ka kitabu 3 Bible Online

Oze ka kitabu 3 - dyu bible

Oze ka kitabu 3

¹Masaba y'a fɔ ne ye ko: «Ayiwa, taga muso kelen nin kanu tugu, min be ni ɲamɔgɔcɛ ye, n'a be kakalaya kɛra. I k'a koo diya i ye i n'a fɔ Isirayɛlidenw koo ka di ne Masaba ye cogo min na, hali n'u b'u kɔɔ sin ne ma ka taga joow sɔn, hali ni *ɛrɛzɛn ŋɔmi koo ka di u ye, minw ye josɔnfɛnw ye.»

²Ne ye muso nin sɔngɔ sara, warigwɛ kuru tan ni duuru, ni suman bɔɔrɔ kelen ni tilan.

³Ne y'a fɔ a ye ko: «I bena to ne fɛ fɔɔ waatijan. I kana kakalaya kɛ, dilan kana don e ni cɛɛ si cɛ. Ne fana bena o ɲɔgɔn kɛ.»

⁴O la, Isirayɛlidenw bena waatijan kɛ, masa tena sɔrɔ u fɛ, ni ɲamɔgɔ. Saraka bɔko bena dabila, ni jokabakuru sɔn. U be minan minw kɛ ka Ala sago lɔn, o bena dɛsɛ u la.

⁵O kɔ, Isirayɛlidenw bena segi ka Masaba u ka Ala yɔrɔ yaala, n'u ka masacɛ Dawuda. [1] U yɛrɛyɛrɛtɔ bena kɔsegi Masaba ma, ka hɛrɛ ɲini a fɛ labanlon na.