Read dyu Oze ka kitabu 6 Bible Online

Oze ka kitabu 6 - dyu bible

Oze ka kitabu 6

¹Aw b'a fɔ ko: «Aw ye to an ka segi Masaba fɛ! Ale lo y'a kɛ joli bɔra an na, ale lo bena an joli furakɛ. Ale lo y'an bugɔ, ale lo bena an furakɛ.

²Tile fila tɛmɛnin kɔ, a bena barika don an na, a bena an wili tile sabanan loon, an bena balo ale ɲakɔrɔ.

³An ka jija ka Masaba lɔn. A nako ye wajibi le ye, i ko tilekun bɔko. A bena na an fɛ i ko sanji, i ko tilemana sanji min be na dugukolo ɲigi.»

⁴«Ne bena mun le kɛ aw la sa, Efarayimu kɔmɔgɔw? Zuda mara mɔgɔw, ne bena mun kɛ aw la sa? Aw ka kanuya kɛra i ko sɔgɔma kabaforoko, i ko komiji min be tunu joona.

⁵O kama, ne ye kiraw ci k'aw kɛlɛ ni kuma ye, ne y'aw fagako fɔ. Ne ka kiti bena tigɛ kɛnɛ kan.

⁶ Bari, ne be ɲumanya le fɛ, ne te saraka fɛ. Aw ka n lɔn, o ka di n ye ka tɛmɛ saraka jɛnita kan.

⁷«Bɛɛn min tun be yen, aw y'o cɛn adamadenya la. Aw ye ne janfa le.

⁸Galaadi kɛra mɔgɔjuguw ka dugu ye. Joli bɔnnin be a yɔrɔ bɛɛ.

⁹Sarakalasebagaw ka jɛnkulu dɔw be mɔgɔw faga Sisɛmu sira kan, i ko benkannikɛlaw. Tiɲɛ na, u be baarajugu kɛ!

¹⁰Ne ye kojuguw le ye Isirayɛli mara kɔnɔ. Efarayimu kɔmɔgɔw ye kakalaya kɛ ka Isirayɛli mara nɔgɔ.

¹¹Ne be sara labɛnna aw Zuda mara mɔgɔw fana ye. Ne b'a fɛ ka hɛrɛ kɛ n ka mɔgɔw ye tuma min na,