Read dyu Zakari ka kitabu 10 Bible Online

Zakari ka kitabu 10 - dyu bible

Zakari ka kitabu 10

¹Aw ka samiɲa laban sanji daali Masaba fɛ. Masaba le be sanji di. A bena sanjiba di, bɛɛ ka suman be ɲa foro kɔnɔ.

²Joow ka jaabili ye fuu ye, lagwɛlikɛlaw ɲaa ma foyi ye ni galon tɛ. U ka siko bɛɛ ye galon ye, u ka dususaalokuma ye fuu ye. O la, jama sigɛnnin tagara u kunfɛ, bari marabaga tun t'u la.

³«Ne dusu gwannin lo sagadɛndɛbagaw kɔrɔ, ne bena wili ɲamɔgɔw le kama. Ɔnhɔn, ne Masaba, Setigi bena janto n ka jama na, minw ye Zuda mara mɔgɔw ye. N bena u kɛ i ko kɛlɛkɛso ɲanamanw.

⁴Soo lɔ kabakuru ɲanaman bena bɔ Zuda mara la, soo minɛgween bena bɔ yen, bonnikɛkala fana bena bɔ yen. Ɲamɔgɔw bɛɛ bena bɔ yen le. U bɛɛ faranin ɲɔgɔn kan,

⁵u bena kɛ i ko kɛlɛdenŋanaw minw be bɔgɔ nɔɔni bɔlɔnw cɛma kɛlɛ tuma na. U bena kɛlɛ kɛ, bari ne Masaba bena kɛ n'u ye, u juguw sotigiw bena maloya.

⁶Ne bena barika don Zuda mara mɔgɔw la, ne bena Yusufu ka somɔgɔw kisi. Ne bena hɛrɛ kɛ u ye tugu, bari u makari be ne la. A bena kɛ i ko ne tun ma deli k'u fili, bari ne ye Masaba u ka Ala ye, ne bena u ka daalili jaabi.

⁷Efarayimu kɔmɔgɔw bena kɛ i ko kɛlɛdenŋanaw, u bena nisɔndiya i ko dɔrɔminla. N'u deenw y'u ye, u bena nisɔndiya. U dusu bena diya ne Masaba kosɔn.

⁸Ne bena u wele ka na, n bena u lajɛn bari ne y'u hɔrɔnya. U bena caya i ko fɔlɔfɔlɔ.

⁹Ne tun y'u yɛrɛkɛ siya wɛrɛw cɛma. Nga k'u t'o yɔrɔjan nunu na, u bena u hakili to ne la. U n'u deenw bena to yen, o kɔ, u bena kɔsegi yan ɲɔgɔn fɛ.

¹⁰Ne bena bɔ n'u ye Ezipiti jamana na ka kɔsegi n'u ye. Ne bena u lajɛn ka bɔ Asiri jamana na. Ne bena na n'u ye Galaadi mara la, ni Liban jamana na. O tena labɔli kɛ.

¹¹U bena dusukasi kɔgɔji tɛmɛ. Ne bena sira bɔ u ye kɔgɔji cɛma, Nili baa bena ja pewu. Asirikaw ka yɛrɛboɲa bena dabila, Ezipiti ka faamaya bena tunu.

¹²Ne bena fanga d'u ma. U bena taama ne sago la.» Masaba le ko ten.