Read dyu Korɛntikaw fɔlɔ 8 Bible Online

Korɛntikaw fɔlɔ 8 - dyu bible

Korɛntikaw fɔlɔ 8

¹Min ye josɔnsogo koo ye, an y'a lɔn ko an bɛɛ be koo lɔn. Nga lɔnniya be mɔgɔ don yɛrɛboɲa na, kanuya b'an dɛmɛ ka taga ɲa.

²Ni mɔgɔ dɔ be miiri ko ale ye koo lɔn, o tigi ma lɔnniya sɔrɔ i n'a fɔ a ka kan k'a sɔrɔ cogo min na.

³Ala koo ka di mɔgɔ min ye, Ala b'o tigi lɔn.

⁴Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

⁵Hali n'u be miiri ko dugukolo kan jinaw ni sankolo taw kɛra batofɛnw ye k'a kɛ i n'a fɔ batofɛn caaman ni matigi caaman be yen tiɲɛ na,

⁶an kɔni fɛ, Ala kelen le be yen. Ale lo y'an Faa ye, koo bɛɛ be bɔ ale fɛ, an fana be taga ale fɛ, ani Matigi kelenpe le be yen, o ye Yezu Krista ye, ale min barika la fɛɛn bɛɛ be yen, anw fana be yen ale barika la.

⁷Nga bɛɛ t'o lɔn. Dɔw be yen minw delila joko la kosɔbɛ, n'u b'o sogo nunu ɲimi tuma min na, u b'o jati i n'a fɔ josɔnsogo lo. O kɛra ten, u ka barikatanya kosɔn, u be miiri ko u ye kojugu kɛ.

⁸A ma kɛ ko dumunifɛn le b'an gwɛrɛ Ala la, hali n'an m'o dumu, foyi te bɔ an na. N'an fana y'o dumu, foyi te fara an kan.

⁹Nga aw k'aw yɛrɛ kɔlɔsi, aw ka yɛrɛsagokɛ kana barikatanw dɔ kunna cɛn.

¹⁰N'o be ele ye, n'i be dumuni kɛra jobon na, e min b'o koo faamuna, o koo miiri ten'a ɲɔti k'a don josɔnsogo ɲimi na wa?

¹¹O cogo la, i balima min barika ka dɔgɔ, Krista sara min kosɔn, ale bena halaki ele ka lɔnniya barika la.

¹²N'aw be to k'aw balimaw hakɛ ta ten ani k'o hakili cɛn, aw be Krista fana le hakɛ ta.

¹³O la, ni dumuni dɔ be kɛ sababu ye ne balima kunna be cɛn, ne be ban o sogo la pewu waasa n kan'a kunna cɛn.