Read dyu Zozuwe ka kitabu 16 Bible Online

Zozuwe ka kitabu 16 - dyu bible

Zozuwe ka kitabu 16

¹U ye kala la, mara min sera Yusufu kɔmɔgɔw ma, o be daminɛ Zurudɛn baji ma Zeriko gɛrɛfɛ, Zeriko kɔɔ kɔrɔn fɛ. Mara nin daan tɛmɛna kongokolon kɔnɔ min be daminɛ Zeriko ka taga Betɛli kuluw kan,

²ka bɔ Betɛli ka taga Luzi dugu kɔnɔ, [1] ka taga tɛmɛ Atarɔti dugu kɔnɔ min ye arakiw mara ye, o daan na.

³O kɔ, ka tɛmɛ ka jigi tileben fɛ, ka taga yafilew ka mara daan na, ka tɛmɛ ka taga fɔɔ Bɛtorɔn dugumatɔ faan fɛ, ka tɛmɛ ka taga Gezɛri, fɔɔ ka taga gun kɔgɔjiba la.

⁴Yusufu deen Manase ni Efarayimu y'u niyɔrɔ sɔrɔ ten.

⁵Mara min sera Efarayimu kɔmɔgɔw ma ka kɛɲɛ n'u ka fadenyabolow ye, o daan filɛ nin ye: kɔrɔn fɛ u ka mara daan tun ye, k'a ta Atarɔti Adari ma, fɔɔ ka taga se Bɛtorɔn ma, min be kulu kan.

⁶Tileben fɛ, a daan tun be tɛmɛ Mikimetati, ka sin kɔgɔdugu ɲafan fɛ, ka taga gɔngɔrɔ ka taga kɔrɔn fɛ ka tɛmɛ Taganati Silo, kɔrɔn fɛ, Yanowa gɛrɛfɛ,

⁷ka bɔ Yanowa faan fɛ, ka taga Atarɔti ani Naarata, ka taga Zeriko, ka tɛmɛ ka taga gun Zurudɛn baji la,

⁸ka bɔ Tapuwa ka taga tileben fɛ ka ta'a bila Kana kɔɔ la, ka tɛmɛ ka taga gun kɔgɔji la. O le kɛra mara ye Efarayimu kɔmɔgɔw tun ye min sɔrɔ ka kɛɲɛ n'u ka fadenyabolow ye,

⁹Dugubabaw n'u mara minw tun kɛra Efarayimu kɔmɔgɔw ta ye Manase kɔmɔgɔw ta cɛma, olu niin tun t'a la.

¹⁰ Kanaan minw tun siginin be Gezɛri n'u ye, u ma olu gwɛn, olu tora n'u ye fɔɔ ka na se bii ma, nga olu tun be fangabaara kɛ u ye.