Read dyu Eburuw 4 Bible Online

Eburuw 4 - dyu bible

Eburuw 4

¹Ala y'a daa di ko an bena se ka don ka lafiɲɛ a ka yɔrɔ labɛnnin kɔnɔ. O dadili nin be seen kan halibi. O la, an k'an yɛrɛ minɛ waasa mɔgɔ si kana to kɔfɛ.

²Anw ye Ala ka kuma min mɛn, olu fana tun y'o mɛn. Nga o ma foyi ɲa u ye bari u ma u jigi la a kan.

³ An minw y'an jigi la a kan, an bena don o lafiɲɛyɔrɔ nin na, Ala y'a fɔ min koo la ko: «Dimikojugu fɛ, ne y'a fɔ k'a gwɛlɛya ko u tena sɔrɔ ka don n ka lafiɲɛyɔrɔ la.» Ayiwa, koo bɛɛ tun labɛnna ka ban diɲɛ dantuma na.

⁴ A fɔra lɔgɔkun laban loon koo la Ala ka kuma na ko: «Ala tilara a ka baara bɛɛ la, ka lafiɲɛ a tile wolonwulanan loon.»

⁵ A fɔra ka tɛmɛ ko: «U tena sɔrɔ ka don n ka lafiɲɛyɔrɔ la.»

⁶Ayiwa, minw tun kɔnna ka Ala ka kuma mɛn, olu ma se ka don o lafiɲɛyɔrɔ nin na kuma nin batobaliya kosɔn. O la, dɔ wɛrɛw bena don yen.

⁷ Ala tun ye waati wɛrɛ latigɛ k'o wele ko Bii, a mɛnna, Dawuda tun y'a fɔ Ala barika la i ko a fɔra kɔfɛ cogo min na ko: «N'aw ye Ala kumakan mɛn bii, aw kana aw dusu gwɛlɛya.»

⁸ Ni Isirayɛlidenw tun donna lafiɲɛyɔrɔ nin na Zozuwe sababu la, Ala tun tena lafiɲɛlon wɛrɛ kuma fɔ tugu.

⁹Ayiwa, lafiɲɛlon ɲanaman maranin be Krista ka jama ye.

¹⁰ Bari, min donna Ala ka lafiɲɛyɔrɔ la, o fana be lafiɲɛna a ka baara la i n'a fɔ Ala, lafiɲɛlon na.

¹¹An ka jija o tuma na ka don o lafiɲɛyɔrɔ nin na. An k'an yɛrɛ minɛ waasa mɔgɔ si kana dɛsɛ o yɔrɔ donko la i n'a fo minw ma sɔn ka mɛnikɛ.

¹²Ala ka kuma ɲanaman lo, fanga b'a la. A ka fari ni muru faan fila dadiman ye. A be don mɔgɔ dusu la fɔɔ ka nii faran ka bɔ adamadenya la, ani ka kolo ni sɛnmɛ bɔ ɲɔgɔn na. A be mɔgɔ ka miiri, n'a kɔnɔnako bɛɛ sɛgɛsɛgɛ k'u lɔn.

¹³O danfɛn te yen Ala ɲaa te min ye. U bɛɛ b'a ɲakɔrɔ, u si dogonin te a ma. An bena an ka koow bɛɛ ɲafɔ ale lo ye.

¹⁴Ayiwa, sarakalasebagaw kuntigiba ɲanaman b'an fɛ minkɛ, n'o ye Ala Dencɛ Yezu ye, ale ye sankolo cɛtigɛ ka se Ala fɛ. O la, an jigi be min kan, an k'a to o kan.

¹⁵Bari, see b'an ka sarakalasebagaw kuntigiba nin ye k'an faamu an ka dɛsɛyɔrɔ la. A ye kɔrɔbɔli sifa bɛɛ sɔrɔ i n'a fɔ anw, nga a ma hakɛ kɛ.

¹⁶O tuma na sa, an k'an jigi la a kan, ka gwɛrɛ a ka masasigilan yɔrɔ la ni hakilisigi ye, a ka nɛɛma kosɔn janko a ka makari an na, ka nɛɛma kɛ an ye, k'an dɛmɛ an dɛsɛ tuma na.