Read dyu Zan fɔlɔ 1 Bible Online

Zan fɔlɔ 1 - dyu bible

Zan fɔlɔ 1

¹ Fɛɛn min tun be yen k'a sɔrɔ fɛɛn si ma dan fɔlɔ, n'anw y'a mɛn, n'anw ɲaa lar'a kan k'a filɛ kosɔbɛ, n'anw bolo magar'a la, o ye kuma ye min be nii don mɔgɔ la.

² A y'a yɛrɛ yira, anw y'a ye. Anw b'a seereya kɛ, anw be nii banbali koo fɔ aw ye, ale min tun be ni Faa ye, ale min y'a yɛrɛ yira an na.

³Anw ye min ye, ka min mɛn, an b'o le fɔ aw ye, waasa aw fana ka jɛn ni anw ye. Ayiwa, anw kɔni n'an Faa Ala n'a Dencɛ Yezu Krista jɛnnin lo.

⁴An b'o sɛbɛn k'o ci aw ma waasa an ka nisɔndiya kosɔbɛ!

⁵Ayiwa, an ye min mɛn a fɛ, an b'o le fɔra aw ye, ko Ala ye yeelen ye, dibi t'a la fewu.

⁶N'an ko an ni Ala jɛnnin lo k'a sɔrɔ an be dibidibiko kɛ, o tuma na, an kɛra galontigɛlaw ye, an te tiɲɛko kɛ.

⁷Nga n'o y'a sɔrɔ n'an ka koow bɛɛ gwɛnin lo i n'a fɔ ale yɛrɛ be cogo min na, o tuma na, jɛɛn be kɛ an bɛɛ ni ɲɔgɔn cɛ, a Dencɛ Yezu joli b'an ka hakɛw bɛɛ bɔ an na.

⁸N'an y'a fɔ ko an ma hakɛ kɛ, an b'an yɛrɛ nigɛ, an te kɛ tiɲɛtigiw ye.

⁹Nga n'an sɔnna ka lɔ an ka hakɛw la, o tuma na, an be se k'an jigi la Ala kan a ka kantigiya n'a ka tileniya kosɔn. A bena an ka hakɛw yafa k'an saniya an ka tilenbaliyakow bɛɛ la.

¹⁰Nga n'an y'a fɔ ko an ma hakɛ kɛ, an be Ala kɛ galontigɛla ye, a ka kuma te an dusu la.