Read Jula Kibaroyaw ta kitabu fɔlɔ 24 Bible Online

Kibaroyaw ta kitabu fɔlɔ 24 - Jula bible

Kibaroyaw ta kitabu fɔlɔ 24

¹O ka Haruna ta durujaw taran, o bɛɛ ni o ta jɛnkuru. Haruna dencɛw tun ye Nadabu, ani Abihu, ani Elehazari, ani Itamari ye.

²Nadabu ni Abihu sara o facɛ ɲa, k’a sɔrɔ o ma den sɔrɔ. Elehazari ni Itamari le tun bɛ sarakalasebagaya kɛra.

³O kɔ fɛ, Dawuda, ani Sadɔki min tun ye Elehazari ta duruja dɔ ye, ani Ahimelɛki min tun ye Itamari ta duruja dɔ ye, olugu ka Haruna ta durujaw taran, k’a kɛ o bɛɛ ni o ta jɛnkuru, ka kaɲa ni o ta baaraw ye.

⁴A nana kɛ ko kuntigi caman tun bɛ Elehazari ta durujaw ra ka tɛmɛ Itamari ta durujaw kan; o kosɔn, o ka Elehazari ta durujaw taran ka o kɛ gbatigi tan ni wɔɔrɔ, ka Itamari ta durujaw ta kɛ gbatigi seegi ye.

⁵O ka o taran ka o ɲagami, o ma mɔgɔ bɔ mɔgɔ ra; ni min tɔgɔ ka bɛn jɛnkuru min ma, o tigi bɛ kɛ o jɛnkuru ra; sabu minw tun ka kan ka kɛ yɔrɔ saninman* ɲamɔgɔw ye, ani minw tun ka kan ka kɛ Ala ta kow ɲamɔgɔw ye, olugu dɔ tun ka kan ka bɔ Elehazari ta durujaw ra, o dɔ tun ka kan ka bɔ Itamari ta durujaw ra fana.

⁶Netanehɛli dencɛ Semaya, min tun ye Levi ta gbamɔgɔ dɔ ye, ale le ka o tɔgɔw sɛbɛ; o kɛra masacɛ yɛrɛ ɲa na, ani jamana ɲamɔgɔw, ani sarakalasebaga* Sadɔki, ani Abiyatari dencɛ Ahimelɛki, ani sarakalasebagaw, ani Levi* ta mɔgɔw ta gbatigiw ɲa na. Ni o tun ka Elehazari ta gbamɔgɔ dɔ ta, o tun bɛ Itamari ta gbamɔgɔ dɔ ta.

⁷Mɔgɔ fɔlɔ min tɔgɔ yirara o kɛra Yehoyaribu ye; flanan kɛra Yedaya ye;

⁸sabanan kɛra Harimu ye; naaninan kɛra Sehorimu ye;

⁹loorunan kɛra Malikiya ye; wɔɔrɔnan kɛra Miyaminu ye;

¹⁰wolonflanan kɛra Hakɔsi ye; seeginan kɛra Abiya ye;

¹¹kɔnɔntɔnnan kɛra Yosuwe ye; tannan kɛra Sekaniya ye;

¹²tan ni kelennan kɛra Eliyasibu ye; tan ni flanan kɛra Yakimu ye;

¹³tan ni sabanan kɛra Hupa ye; tan ni naaninan kɛra Yesebabu ye;

¹⁴tan ni loorunan kɛra Biliga ye; tan ni wɔɔrɔnan kɛra Imɛri ye;

¹⁵tan ni wolonflanan kɛra Heziri ye; tan ni seeginan kɛra Hapisɛsi ye;

¹⁶tan ni kɔnɔntɔnnan kɛra Petaya ye; mugannan kɛra Ezekiyɛli ye;

¹⁷mugan ni kelennan kɛra Yakini ye; mugan ni flanan kɛra Gamuli ye;

¹⁸mugan ni sabanan kɛra Delaya ye, mugan ni naaninan kɛra Maziya ye.

¹⁹O tun ka o tarantaran nin cogo le ra, janko o ye to ka don Matigi Ala ta batoso kɔnɔ, ka baaraw kɛ, bɛɛ ni i ta wagati; o tun b’a kɛ ten, ka kaɲa ni o bɛmacɛ Haruna ta cifɔninw ye, i n’a fɔ Matigi Ala, Izirayɛli ta Ala tun k’a fɔ ale ye cogo min na.

²⁰Levi* ta mɔgɔw ta kuntigi tɔw tɔgɔw ye nin ye: Amuramu ta somɔgɔw ta kuntigi tun ye Subahɛli ye. Subahɛli ta somɔgɔw ta kuntigi tun ye Yedeya ye.

²¹Rehabiya ta somɔgɔw ta kuntigi tun ye Isiya ye.

²²Isarikaw ta somɔgɔw ta kuntigi tun ye Selomoti ye. Selomoti ta somɔgɔw ta kuntigi tun ye Yahati ye.

²³Heburɔn ta somɔgɔw ta kuntigi fɔlɔ tun ye Yeriya ye, flanan tun ye Amariya ye, sabanan tun ye Yahaziyɛli ye, naaninan tun ye Yekamamu ye.

²⁴Uziyɛli dencɛ Mika ta somɔgɔw ta kuntigi tun ye Samiri ye.

²⁵Mika balemacɛ Isiya ta somɔgɔw ta kuntigi tun ye Jakariya ye.

²⁶Merari dencɛw tun ye Mali ni Musi ye, ka fara a dencɛ Yaziya dencɛw kan.

²⁷Merari dencɛ Yaziya dencɛw tun ye Sohamu ni Zakuri ni Ibiri ye.

²⁸Mali dencɛ tun ye Elehazari ye; ale ma dencɛ sɔrɔ.

²⁹Kisi dencɛ tun ye Yeramɛli ye.

³⁰Musi dencɛw tun ye Mali, ani Edɛri ni Yerimɔti ye. Levi ta duruja tɔw le ye ninnugu ye, o bɛɛ ni o ta gba.

³¹Olugu fana ta kɛra i n’a fɔ o balema minw ye Haruna ta mɔgɔw ye. Ni min tɔgɔ ka bɛn baara min ma, o tigi le tun bɛ bla o baara ra. O ka o kɛ masacɛ Dawuda yɛrɛ ɲa na, ani Sadɔki, ani Ahimelɛki, ani sarakalasebagaw* ni Levi ta mɔgɔw ta gbatigiw. Gba bɛɛ ta kɛra cogo kelen le ra, dencɛ kɔrɔbaw ta gbaw, ani dɔgɔcɛmanw ta gbaw bɛɛ.