Read Jula Kibaroyaw ta kitabu fɔlɔ 3 Bible Online

Kibaroyaw ta kitabu fɔlɔ 3 - Jula bible

Kibaroyaw ta kitabu fɔlɔ 3

¹Dawuda dencɛ minw worora k’a to Heburɔn, olugu flɛ nin ye: a dencɛ fɔlɔ, Aminɔn, a ka o sɔrɔ a ta Zizirɛlikamuso Ahinohamu fɛ. A flanan, Daniyɛli, a ka o sɔrɔ a ta Karimɛlikamuso Abigayili fɛ.

²A sabanan, Abusalɔn, a ka o sɔrɔ a muso Mahaka fɛ, Gesuri masacɛ Talimayi denmuso. A naaninan, Adoniya, a ka o sɔrɔ a muso Hagiti fɛ.

³A loorunan, Sefatiya, a ka o sɔrɔ a muso Abitali fɛ. A wɔɔrɔnan, Iterehamu, a ka o sɔrɔ a muso Egila fɛ.

⁴O dencɛ wɔɔrɔ worora ka Dawuda to Heburɔn. A ka san wolonfla ni karo wɔɔrɔ le kɛ masaya ra Heburɔn, ka san bisaba ni saba kɛ masaya ra Zeruzalɛmu.

⁵A dencɛ minw worora k’a to Zeruzalɛmu, olugu ye nin ye: Simeha, ani Sobabu, ani Natan, ani Sulemani; Amiyɛli denmuso Baseba le ka o dencɛ naani woro.

⁶Dawuda ka Ibari fana woro, ani Elisama, ani Elifelɛti,

⁷ani Noga, ani Nefɛgi, ani Yafiya,

⁸ani Elisama, ani Eliyada, ani Elifelɛti: cɛ kɔnɔntɔn.

⁹O bɛɛ tun ye Dawuda dencɛw ye, ka fara a ta jɔnmusow dencɛw kan. Tamari le tun ye o balemamuso ye.

¹⁰Sulemani ta durujaw ye nin ye: a dencɛ Robohamu, o dencɛ ye Abiya ye, o dencɛ ye Asa ye, o dencɛ ye Yosafati ye,

¹¹o dencɛ ye Yoramu ye, o dencɛ ye Ahaziya ye, o dencɛ ye Yohasi ye,

¹²o dencɛ ye Amasiya ye, o dencɛ ye Azariya ye, o dencɛ ye Yotamu ye,

¹³o dencɛ ye Ahazi ye, o dencɛ ye Ezekiyasi ye, o dencɛ ye Manase ye,

¹⁴o dencɛ ye Amɔn ye, o dencɛ ye Yoziyasi ye.

¹⁵Yoziyasi dencɛw ye nin ye: a dencɛ fɔlɔ ye Yohanan ye, a flanan ye Yehoyakimu ye, a sabanan ye Sedesiyasi ye, a naaninan ye Salumu ye.

¹⁶Yehoyakimu dencɛ tun ye Yekoniya ye, Yekoniya dencɛ tun ye Sedesiyasi ye.

¹⁷Yekoniya min tun minana ka taga Babilɔni, ale ta durujaw ye nin ye: Sehalitiyɛli tun ye a dencɛ ye;

¹⁸o kɔ Malikiramu, o kɔ Pedaya, o kɔ Senasari, o kɔ, Yekamiya, o kɔ Hosama, o kɔ Nedabiya.

¹⁹Pedaya dencɛw tun ye Zorobabɛli ni Simɛyi ye. Zorobabɛli dencɛw tun ye Mesulamu ni Hananiya ye; Selomiti le tun ye olugu balemamuso ye.

²⁰O kɔ, a nana Azuba woro, ani Ohɛli, ani Berekiya, ani Hasadiya, ani Yusabu Esɛdi; cɛ looru.

²¹Hananiya dencɛw tun ye Pelatiya ni Ezayi ye; Refaya dencɛw, ani Arinan dencɛw, ani Abidiyasi dencɛw, ani Sekaniya dencɛw bɛɛ tun ye a ta durujaw ye.

²²Sekaniya ta durujaw tun ye Semaya ye, ani Semaya dencɛw, minw tun ye Hatusi, ani Igali, ani Bariya, ani Nehariya, ani Safati ye; cɛ wɔɔrɔ.

²³Nehariya dencɛw tun ye Eliyonayi ye, ani Hizikiya, ani Azirikamu; cɛ saba.

²⁴Eliyonayi dencɛw tun ye Hodava ye, ani Eliyasibu, ani Pelaya, ani Akubu, ani Yohanan, ani Delaya, ani Anani ye; cɛ wolonfla.