Read Jula Zaburuw kitabu 120 Bible Online

Zaburuw kitabu 120 - Jula bible

Zaburuw kitabu 120

¹Ala ta batoso yɛlɛnsira ta dɔnkiri. Ka ne degunin to, ne kasira ka Matigi Ala wele, a ka ne jaabi.

²«E, Matigi Ala, ne nin bɔsi faninyafɔbaga da ma, ne nin bɔsi mɔgɔjanfabaga nɛnkun ma.»

³Aw mɔgɔjanfabagaw, mun le bɛna kɛ aw sara ye? Aw bɛna mun le sɔrɔ?

⁴Kɛrɛkɛcɛw ta biɲɛ minw donna tasumakami na k’a da diya, o le bɛna kɛ aw sara ye.

⁵Bɔnɔ ka ne sɔrɔ, sabu ne tagara sigi Mesɛki; bɔnɔ ka ne sɔrɔ, sabu ne tagara to Kedari ta mɔgɔw cɛ ra [1]!

⁶Ne siginin tora nin mɔgɔw cɛ ra yan ka mɛɛn fɔ ka tɛmɛ; nin mɔgɔ minw tɛ hɛra fɛ.

⁷Ne ko hɛra le; nka ni ne kumana dɔrɔn, olugu ko kɛrɛ.