Read Jula Zaburuw kitabu 125 Bible Online

Zaburuw kitabu 125 - Jula bible

Zaburuw kitabu 125

¹Ala ta batoso yɛlɛnsira ta dɔnkiri. Minw bɛ o jigi la Matigi Ala kan, olugu bɛ i ko Siyɔn kuru*; o tɛ jɛngɛ ka bɔ a nɔ ra ka ye, o bɛ yi wagati bɛɛ.

²Kuruw ka Zeruzalɛmu lamini cogo min na, Matigi Ala fana bɛ a ta mɔgɔw lamini o cogo le ra, sisan, ani wagati bɛɛ.

³Mɔgɔjuguw ta masacɛbere siginin tɛna to mɔgɔ terenninw ta mara kunna, janko mɔgɔ terenninw kana na o boro sama ka taga kojugu nɔ fɛ.

⁴E, Matigi Ala, koɲuman kɛ mɔgɔɲumanw ye, ani mɔgɔ minw jusu ka ɲi.

⁵Nka minw bɛ sira jɛngɛninw ta, Matigi Ala bɛna olugu gbɛn ka bɔ yi, ani minw bɛɛ bɛ terenbariyakow kɛ. Ala ye hɛra kɛ Izirayɛli ye!