Read Jula Zaburuw kitabu 128 Bible Online

Zaburuw kitabu 128 - Jula bible

Zaburuw kitabu 128

¹Ala ta batoso yɛlɛnsira ta dɔnkiri. Matigi Ala ɲasiran bɛ ele mɔgɔ min na, ni i bɛ Matigi Ala ta sira tagama, ele ta ɲana.

²I bɛna i boro ta baara nafa sɔrɔ k’a domu; i ta kow bɛ ɲa, i fana bɛ hɛra sɔrɔ.

³I ta muso bɛ kɛ i ta so kɔnɔ i ko rɛzɛnsun min bɛ den caman kɛ; i ta denw bɛ sigi i kɛrɛ fɛ domunikɛyɔrɔ ra, i ko oliviyesun falenninkuraw.

⁴Matigi Ala ɲasiran bɛ mɔgɔ min na, a bɛ baraka don o tigi ra o cogo le ra.

⁵Matigi Ala bɛna to Siyɔn, ka baraka don i ra, k’a to i ye Zeruzalɛmu ta hɛra ye i ɲa ra i si bɛɛ ra.

⁶I bɛna i ta denw ta denw ye. Ala ye hɛra kɛ Izirayɛli ye!